Мәскеудің ойбайлаған дауысы естілді
moyby.com
Мәскеу жақтан ойбайлаған, ұлыған, дауыстап жылаған дауыстар естіліп қалды, дейді желіде Қуаныш Еділхантегі.
Сөйтсек Байден АҚШ-тың 2022 жылға арналған бюджетінің жобасын ұсыныпты. Бұл бюджет бұрын-соңды болмаған рекордтық бюджет екен – 6 трлн доллар! Енді осының Пентагонға бөлінген ақшасын қарайық.
Әскери салаға $753 млрд бөлінгелі отыр, бұл Екінші Дүниежүзілік соғыс заманынан бергі бөлініп отырған аса ірі, рекордтық қаражат екен. Сонымен, Пентагонның инвестициялық бағдарламасына мынадай қаржы бөлінетін болыпты:
Ядролық күштерді модернизациялауға - $27,7 млрд;
Зымыранға қарсы қорғаныс системасына - $20,4 млрд;
Алысқа ататын (жою аймағы радиусы 100км-ден астам) артиллерия системасын жасауға - $6,6 млрд;
ӘӘК жойғыштығын арттыруға $52,4 млрд және ӘТК $34,6 млрд;
Кибероперацияларға $10 млрд-тан астам;
$112 млрд әскери зерттеулер мен дайындауларға арналған;
Стратегиялық көзге түспес бомбалаушы B-21 Raider-ге - $3 млрд;
"Колумбия" баллистикалық зымырандары бар сүңгуір субмариндерге - $5 млрд;
LRSO алысқа ататын зымырандарға - $609 млн;
AEGIS BMD теңіздік базадағы зымыранға қарсы қорғаныс системасына - $1 млрд;
Ракета-перехватчиктердің жаңа ұрпағына - $1,7 млрд;
85 F-35 жойғыш ұшағына - $12 млрд;
14 KC-46 Pegasus заправщик ұшағына - $2,5 млрд;
30 AH-64E Apache тікұшағына - $825 млн;
Салынып жатқан "Жеральд Р. Форд" авиатасығышына - $2,9 млрд;
Екі атом "Виржиния" субмариніне - $6,9 млрд;
"Арли Берк" ракеталық эсминціне - $2,4 млрд.
Барлық әскерилерге жалақысын 2,7%-ге көтеруге.
Мұның бәрі Қытай мен Ресейдің әскери қорқытуларына қарсы әрекеттер, өйткені Қорғаныс министрі Остиннің айтуы бойынша басты қауіп осы екі елден келеді. Бұған Ресейдің реакциясы қандай екенін жоғарыда айттық, дейді сарапшы.
