Жаңалықтар тізбегі
0

Вакцина алудан бас тартқан оқушылар онлайн оқи ма?

Zakon.kz Zakon.kz
Алматыда 12-18 жас аралығындағы 30 мыңнан астам баланың ата-анасы вакцина салғызуға келісім беріпті.

Алматы қаласында ертеңнен бастап балалар мен жүкті әйелдерге вакцина салына бастайды. Ал өзге тұрғындар АҚШ екпесін ала алмайды, деп хабарлайды Zakon.kz.

Алматыға "Pfizer" вакцинасының алғашқы партиясы жеткізілді. Онда препараттың 380 мыңға жуық дозасы бар. Екпені Дүниежүзілік денсаулық сақтау ұйымы мақұлдаған. Келісімшарт бойынша дәрілік заттың 4 миллионнан астам дозасы келуі керек, деп хабарлайды Астана телеарнасы.

Айгерім СМАИЛОВА, БІРЫҢҒАЙ ДИСТРИБЬЮТЕР "СК ФАРМАЦИЯ" ЖШС БАСПАСӨЗ ХАТШЫСЫ:

Бірыңғай Дистрибьютер қабылдап алынған, яғни түскен дозаларды өңірге басқа вакциналар сияқты жедел түрде бір тәулікте жеткіземіз. Әрбір өңірдің денсаулық сақтау басқармаларына. "Pfizer" компаниясы бізге Қазақстанға арнап арнайы сайт қосты. Ол сайтта осы вакцинаға қатысы барлық вакциналар қосылған.

Мегаполисте вакциналау ертең басталады. Қалалық денсаулық сақтау басқармасы екпе алатындардың тізімін жасап қойған. Алматыда 12-18 жас аралығындағы 30 мыңнан астам баланың ата-анасы вакцина салғызуға келісім беріпті.

Светлана СҰЛТАНҒАЗИЕВА, АЛМАТЫ қ. ҚОҒАМДЫҚ ДЕНСАУЛЫҚ БАСҚАРМАСЫ БАСШЫСЫНЫҢ ОРЫНБАСАРЫ:

Алматыда 12 жастан 18 жасқа дейінгі 170 мыңнан астам жасөспірім бар. Оның ішінде ата-аналардың 20% -ға жуығы келісті. Вакцина 20 қалалық емханаға жіберіледі, содан кейін дәрігерлер мектептерден мәліметтерді жинайды. Оқушы вакциналаудан бұрын міндетті тексеруден өтеді, екпе алғаннан кейін жарты сағат дәрігер бақылауында болады.

Ал вакцина алмаған оқушыларға қандай шектеу қойылады? Қалалық санитарлық-эпидемиологиялық бақылау департаменті басшысы орынбасарының айтуынша, олардың білім алуына еш кедергі жоқ.

Әсел ҚАЛЫҚОВА, АЛМАТЫ қ. САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ:

Екпеден бас тартқандар саны күн сайын азайып барады. Оқушылар вакцина салдырмаса да оффлайн білім алады, ешқандай шектеу болмайды.

Балалар арасында екпені бірінші кезекте 16-18 жас аралығындағылар салдырады.12-ден асқан жасөспірімдер содан кейін алады. Жалпы вакцина мектептерде сақталмайды, тек өтініш берген білім ошақтарына ғана жеткізіледі. Бұдан бөлек, 20-дан астам ел жүкті әйелдерге вакцина салуды бастап кеткен.

Светлана СҰЛТАНҒАЗИЕВА, АЛМАТЫ қ. ҚОҒАМДЫҚ ДЕНСАУЛЫҚ БАСҚАРМАСЫ БАСШЫСЫНЫҢ ОРЫНБАСАРЫ:

Біз келіншектерге жүктіліктің 16-дан 37 аптаға дейін екі компоненттен вакциналауды ұсынамыз. Босанған емізулі әйелдерге 42 күн өткен соң вакциналау ұсынылады. Жүкті әйелдер де екпе алуы керек. Еуропада жүкті әйелдерді вакциналау бойынша көптеген клиникалық зерттеулер жүргізілді және Ресейде зерттеді.

Екпеден кейін мынадай жағымсыз реакциялар болуы мүмкін. Инъекция орнының қызарып ауруы, әлсіздік, диарея, буындардың қақсауы, жүрек айну. Бұл белгілер көп адамда кездесуі мүмкін. Егер жағдай нашарласа, медициналық көмекке жүгіну керек.

"PFIZER" 60-90 градуста сақталады. Вакцинаның тиімділігі – 95 пайыз. Қос дозаның аралық уақыты – 21-28 күн.

"Pfizer" препаратын салдырғысы келетіндер тұрғылықты жері бойынша емханаға тіркелуі тиіс. Сондай-ақ препараттың 2 компонентін 1-компонентті алған жерге барып алуы керек. Екпе ерікті түрде, тек ата-ананың рұқсатымен егіледі.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз