Экология министрлігі браконьерлерден тәркіленген балықтар қайда жұмсалатынын айтты
Сурет: primeminister.kz
Аян Бақиянов мемлекеттік инспекторлар браконьерлер аулаған балықтарды сот шешіміне дейін алып, арнайы ұйымдарға тапсыратынын айтты.
"Тиісті қылмыстық іс қозғалады. Іс аяқталғанға дейін құқық бұзушыға қатысты сот шешімі шыққанға дейін балық осы ұйымда сақталады. Сот шешімі шыққаннан кейін бұл заңсыз ауланған көлемді тәркілеу немесе айналдыру туралы шешім шығарылады. Балық мемлекет кірісіне түскен жағдайда сот орындаушылары одан әрі шаралар қолданады. Мемлекет кірісіне алу не сату, не жою, не басқа жолмен жүреді. Бұл қазірдің өзінде сот орындаушысының құзырында".Аян Бақиянов
Экология министрлігінің өкілі балықтың көлеңкелі айналымымен күрестің қалай жүріп жатқанын да айтып берді. Оның айтуынша, қазір балық шаруашылығы комитеті балық пен балық өнімдерін қадағалаудың ақпараттық жүйесін әзірлеп жатыр.
"Негізгі мақсат - аулау немесе шетелден әкелу, немесе өсіру басынан бастап қадағалау жүйесі ауланғаннан бастап, соңғы тұтынушыға дейінгі барлық көлемді, барлық балықты жүйелеу. Балықты сауда орындарында сату. Егер ел ішінде болса немесе балық өнімдері Қазақстаннан тысқары жерлерге шығарылса, ветеринариялық сертификат болуы керек. Осы құжаттарды алу үшін біздің облысаралық бассейндік балық инспекциялары балықтың шығу тегі туралы анықтама береді. Бұл оның шығу заңдылығын растайды", - деп түсіндірді Аян Бахиянов.
Жүйе балықтың өсірілгенін, ауланғанын немесе әкелінгенін жазбаса, ол туралы ақпарат үшінші немесе төртінші кезеңде – ветеринардан бірден пайда болады. Сонда ветеринариялық қызмет өз құжаттарын бере алмайды, сондықтан мұндай балықтар автоматты түрде браконьерлік, заңсыз ауланған болып есептеледі. Жүйе қазірдің өзінде әзірленіп, сынақтан өтті. Ол 2024 жылдың бірінші тоқсанында жүзеге асырылады деп жоспарланып отыр.
Брифингте "Бәкіре-2023" балық қорғау акциясының қорытындысы туралы баяндама да оқылды. Акция басталғалы браконьерлік және сирек кездесетін және жойылып бара жатқан балық түрлерімен заңсыз айналысу фактілері бойынша 36 қылмыстық іс қозғалды.
