Мысырға білместікпен дәрі ала барған британиялық әйел өлім жазасына кесілуі мүмкін

Zakon.kz Zakon.kz
Ол бұл дәріге Мысырда тыйым салынғанын білмеген.
33 жастағы Лаура Пламмер Мысырдағы күйеуіне трамадол таблеткаларын алып барған. Аталған препарат кей мемлекетте есірткінің орнына қолданылады екен. Мысалы, Мысырда оны тұтынуға тыйым салынған. Енді британиялық әйел осы қылмысы үшін өлім жазасына кесілуі мүмкін. Бұл туралы life.ru басылымы жазды, - деп хабарлайды Stan.kz.

Лаура Пламмер мен Омардың шаңырақ көтергендеріне биыл төрт жыл толып отыр. Әйелдің өзі шетелде тұрса да, әр маусым сайын күйеуіне Мысырға келіп тұрады екен. Бұл жолы әйелді Хургада әуежайының қызметкерлері тұтқындаған. Десе де, Пламмер есірткіні алмастыратын дәріні білместікпен алып келгенін айтып ақталып жатыр.

“Ол бұл дәріге Мысырда тыйым салынғанын білмеген. Тіпті, дәріні тығуға тырыспаған. Бар болғаны, ол дәрі басқаларымен бірге чемоданда жатқан”, – дейді Лаураның анасы Роберта Синклер.

Британиялыққа есірткі тасымалдау, жезөкшелікпен айналысу және кісі өлтіруге оқталу сынды үш айып тағылып отыр. Полиция қызметкерлері оны бөлімшеде 15 сағат ұстап, артынша 25 әйел отырған камераға қамаған. Аталған камерада дәретхана жоқ екен.

Лаураның камерада жатқанына бір ай болған. Күдіктінің ағасының айтуынша, ол өлім жазасына кесілуі мүмкін. Отбасының әлеуметтік-тұрмыстық жағдайы төмен болғандықтан, қыздарына көмек қолдарын соза алмай отыр. Ал Ресейде аталған дәрі адам өмірі үшін ең қажетті препараттардың құрамына енеді.

Фото: Stan.kz
zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз