Жаңалықтар тізбегі
0

СҚО-да жаңажылдық шырша құруға қаражат бөлінбейді

Zakon.kz, сурет - Zakon.kz жаңалық 20.11.2017 22:34 Zakon.kz
Жаңажылдық безендіру әшекейлерін қайта қолдану – бұл мәселенің ең тиімді шешімі.
Биыл Петропавлда жаңажылдық шырша орнатуға және көшені безендіруге қаражат бөлінбейтін болды. Солтүстік Қазақстан облысының әкімі Құмар Ақсақалов үнемделген қаржы басқа мақсатқа жұмсалатындығын айтты, - деп хабарлайды Baq.kz.

Жаңа 2018 жыл жақындап келеді. Бірер аптадан кейін мерекеге дайындық басталады. Жыл сайын Петропавлда жаңажылдық безендіруге бюджеттен ақша бөлініп келді. Облыстық әкімдіктің отырысында Құмар Ақсақалов қала басшылығына бұл мақсатқа бюджет есебінен бір тиын да шығындамауды тапсырды. Жаңажылдық безендіру әшекейлерін қайта қолдану – бұл мәселенің ең тиімді шешімі.

«Қалада былтырғы шыршалар, иллюминациялар мен шамдар бар. Соларды қолдану керек. Мұз қалашықтарын демеушілердің көмегімен салуға болады. Бізге бюджеттік қаражатты жұмсау тәжірибесін тоқтатқан жөн», - деп атап өтті Солтүстік Қазақстан облысының Құмар Ақсақалов.

Облыс әкімінің айтуынша, үнемделген қаржы қаланы көркейтуге бағытталады. Петропавлда өткен жылы жаңажылдық шырша құрып, көшені безендіруге 8 миллион теңге жұмсалыпты. Ал, 2015 жылы бюджеттен 24 миллион теңге шығындалған.

«Құмар Ақсақаловтың мерекелік шыршаны безендіруге қаржы бөлуге тыйым салғанын толықтай қолдаймын. Біздің үйдегі шыршаға 7 жыл болды. Жыл сайын құрамыз да, келесі мерекеге дейін жинап қоямыз. Миллиондап ақша шығындағанша қалалық әкімдікке де солай етуге әбден бола еді ғой. Бірнеше күндік шоу үшін қаншама қаржыны шығындау – ысырапшылдық», - дейді Петропавл қаласының тұрғыны Гүлнәр Мұхамеджанова.

Соңғы 4 жылда Петропавл қаласында Жаңа жыл мерекесінде орталық көшені безендіріп, мұз қалашығын салуға 68 миллион теңге жұмсалған.

Фото: baq.kz
zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: