17 желтоқсанда Байқоңырдан ресейлік зымыран ұшады

«Союз-ФГ» зымыран тасығышы мен «Союз МС-07» басқарылатын ғарыш кемесі Байқоңыр ғарыш айлағындағы «Гагарин» старт алаңына орнатылды, деп хабарлайды Baq.kz РИА Новости агенттігіне сілтеме жасап.

Ұшу 17 желтоқсан Мәскеу уақытымен 10.21-ге (Астана уақыты бойынша – 13.21) белгіленген.

Халықаралық ғарыш станциясына ресейлік космонавт Антон Шкаплеров, NASA астронавты Скотт Тингл және JAXA астронавты Норишиге Канаи аттанады. «Союз МС-07» басқарылатын ғарыш кемесі Халықаралық ғарыш станциясымен 19 желтоқсанда түйіспек.

Ғарыш кемесі Халықаралық ғарыш станциясына үш адамнан тұратын экипажды және керек заттарды жеткізу және оларды Жерге алып қайту үшін жасалған.