Тараз әуежайы жабылды
inform.kz
Жергілікті уақытпен 05:00-де қолайсыз ауа райына байланысты уақытша жабылды.
Ауа райына байланысты Тараз әуежайы жабылды, деп хабарлайды «ҚазАқпарат» ХАА ҚР ИДМ Азаматтық авиация комитетіне сілтеме жасап.
Ведомствоның Фейсбуктегі парақшасындағы жазбада: «Тараз қаласының әуежайы 27 желтоқсан күні жергілікті уақытпен 05:00-де қолайсыз ауа райына байланысты уақытша жабылды. Қазіргі кезде әуежайда желдің жылдамдығы секундына 25 метрге, екпіні 28-30 м/с-қа дейін жетеді.
Сондай-ақ ұшу-қону жолағына 5 мм мұз қатқан. Ұшу қауіпсіздігін қамтамасыз ету мақсатында бірқатар ішкі рейстер тоқтатылды немесе кейінге қалдырылды», - делінген. Жолаушыларға әуе компанияларына телефон соғып, өз рейстерін алдын ала анықтап алу жөнінде кеңес берілді.
Жаңалықтан zakon.kz сайтында хабардар болыңыз:
Бөлісу
0
Толық оқу
