Айза Имамбек Қысқы Олимпиада ойындарында мәнерлеп сырғанаудан ел намысын қорғайтын болды

29 Желтоқсан 2017, 10:16
Сурет: ҚазАқпарат

Оңтүстік Кореяда өтетін Қысқы Олимпиада ойындарында мәнерлеп сырғанаудан Қазақстан атынан Элизабет Тұрсынбаевамен бірге Айза Имамбек баратын болды, деп хабарлайды ҚазАқпарат ҚР Мәдениет және спорт министрлігі Спорт және дене шынықтыру істері комитетінің баспасөз хатшысына сілтеме жасап.

Қыздар арасында Элизабетпен бірге Олимпиадада өнер көрсететін спортшыны анықтау үшін Астанада Қазақстан чемпионаты өткен болатын.

Оқырманның есінде болса, Хельсинкиде өткен әлем чемпионатында Элизабет Тұрсынбаева 9-орын алып, Қазақстанның қоржынына Олимпиаданың екі бірдей жолдамасын алып берген еді. Тартысты чемпионатта Айза негізгі үміткер Жансая Әдіхановадан басым түсіп, Қысқы Олимпиадада ел намысын қорғайтын екі мәнерлеп сырғанаушының бірі болып отыр.

Еске сала кетсек, 2018 жылдың ақпан айының 9-25 ақпаны аралығында Оңтүстік Кореяның Пхёнчхан қаласында XXIII Қысқы Олимпиада ойындары өтеді. Олимпиада ойындарына 84 мемлекеттің спортшылары қысқы спорттың 15 түрінен өзара бақ сынаспақ.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?