Ризабек Батталұлы: әйелді денесін жарақаттап алмайтындай етіп ұруға болады

Sputniknews.kz Sputniknews.kz
Имам уағыздарының бірінде шариғат әйелді ұруға рұқсат беретінін мәлім етті.

Еліміздегі мешіттердің бірінде имам Ризабек Батталұлы ер азаматтарға айтқан тілді алмаған әйелді қалай дұрыс ұру керектігін түсіндірген. Уағыздың видеосы әлеуметтік желілерде жарияланды, - деп жазады Sputnik Қазақстан.

Оның айтуынша, әйелді денесін жарақаттап, бір жерін сындырып алмайтындай деңгейде ұруға болады. Оған шариғатта рұқсат етілген.

"Пайғамбарымыз үйлеріңде қамшы ілулі тұрсын деген. Ата-бабаларымыздың төрге қамшы іліп қоятын болған. Әйел ол қамшыдан сескеніп жүреді. "Левый-правый" кетті ме, ол қамшының тиетінін біледі. Аталарымыз киімнің сыртынан осып жіберетін болған. Жоныңнан таспа тілем деген содан шыққан. Қайыстың ұшы тисе, жорғалап кетесің сен. Пайғамбарымыздың ол жайлы хадисі де бар. Егер насихатыңды тыңдамаса, сендерге жарақат салмайтын деңгейде ұруға рұқсат етіледі деген. Шариғат бойынша беттен ұруға болмайды. Бірақ желкесінен қысып қойсаң болады", — деп түсіндірді Ризабек Батталұлы.

"Бостық қылып, шектен шығарып алсақ, құдайдың алдында жауап береміз. Қатігездік танытып, бір жерін сындырып алсақ та жауапты боламыз", — деп түсіндіреді ол.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз