Жаңалықтар тізбегі
0

Павлодар облысында ерлі-зайыптылар өрттің құрбаны болды

Zakon.kz, сурет - Zakon.kz жаңалық 16.01.2018 16:51 Zakon.kz
Тілсіз жауды сөндіру барысында 64 және 59 жастағы ер адам мен әйел адамның денелері табылды.

Павлодар қаласына іргелес орналасқан Теміржолшылар кентінде ерлі-зайыптылар өрттен көз жұмды, деп хабарлайды pavlodarnews.kz.

Облыстық ТЖД баспасөз қызметінің хабарлауынша, Кленовая көшесі, 110/1 мекенжайы бойынша екі пәтерлік бір қабатты төрт бөлмелі үйде жиһаздар мен терезе жақтауы, есік, кірпіштен салынған құрылыс жанған. Қызыл жалын 70 шаршы метрді шарпып, төбесі опырылып түскен.

- Тілсіз жауды сөндіру барысында 64 және 59 жастағы ер адам мен әйел адамның денелері табылды. Алдын ала болжам бойынша, қайғылы жағдайдың орын алуына электр құралдарын дұрыс пайдаланбау себеп болған, - деді департаментте.

Өрт шыққаны туралы хабарлама «112» нөміріне сағат 12.52-де түскен. Сағат 03.21-де толығымен сөндірілген. Оқиға орнында №34 және № 1 өрт сөндіру бөлімдерінен және Усолка шағын ауданында жеке орналасқан №2 өрт сөндіру бекетінен бес техника мен 15 адам жұмыс істеді.

Бұдан басқа, аурухананың қабылдау бөлімінің кезекшісі таңғы сағат 05.25-те облыстық балалар ауруханасына бүгін сағат 4.25-те Ленин кентінен екі қыз баланың жеткізілгені туралы қоңырау шалған.

«Түрлі деңгейде ысты газбен улану» диагнозы қойылған екі қыз баланың жасы 15-те. Қазіргі таңда олар соматика бөлімінде ем қабылдауда. Пешті дұрыс қолданбау салдарынан жеткіншектер осындай жағдайға тап болған.

- Соңғы кездері тұрғындар үйді жылыту кезінде отынды үнемдеу мақсатында пештің мұржасын ерте жауып тастайды. Осыған байланысты алдын алу шаралары жүргізілгеніне қарамастан, соңы қайғылы аяқталатын жағдайлар жиілеген, - дейді баспасөз қызметінде.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: