АҚШ Қазақстанда ағылшын тілі мұғалімдерінің жаңа буынын дайындауға көмектеседі

Америка Құрама Штаттары 2050 жылға дейін үш тілді қоғам құрмақ ойы бар Қазақстан Үкіметіне ықпал етуге дайын екендіктерін білдірді, деп хабарлайды Zakon.kz Ақорданың хабарламасына сілтеме жасап.

"АҚШ Қазақстанда ағылшын тілін оқыту әдістемесін жақсартуға және ағылшын тілі мұғалімдерінің жаңа буынын дайындауға көмектеседі. 2017 жылы ағылшын тілінен сабақ беретін 2800 аса қазақстандық мұғалім біліктілікті арттыру жөніндегі интернет-семинарларға қатысқан", - делінген хабарламада.

2018 жылы америкалық ұстаздар Қазақстан аймақтарында ағылшын тілін оқыту әдістемесін жақсартуға ықпал ететін болады.

Сонымен қатар АҚШ "Журналистерге арналған ағылшын тілі бағдарламасын" қаржыландыруда, ол 230 қазақстандық журналистің кәсіби біліктілігін жақсартатын болады.