Алматы облысында 12 жастағы қызды зорлаған күдікті ұсталды

Алматы облысында 12 жастағы қызды зорлаған күдікті ұсталды. Қазір 22 жастағы жігіт қамауға алынды, деп хабарлайды ҚазАқпарат.

Оқиға Іле ауданында болған. 18-ші қаңтар күні аудандық ІІБ-не Междуреченск ауылының тұрғыны арызданып, баласын белгісіз адамның зорлап кеткендігі жайлы шағымданған.

«Бірнеше сағаттың ішінде күдікті анықталды. Қазір зорлау фактісі бойынша ҚР ҚК 120 бабы 4-ші бөлігі бойынша іс қозғалып, тергеу жалғасуда», деп мәлім етті облыстық ІІД баспасөз қызметі.

Анықталғандай, 1996 жылғы жігіт кәмелеттік жасқа толмаған қызға ауылдағы қонақ үйлердің бірінде жыныстық қарым-қатынас жасаған.

Белгілі болғандай күдікті қонақ үйдің бөлмесіне алдын-ала тапсырыс беріп қойған.

Ал жәбірленушіні ол жерге алдап алып келген.

«Күдікті өз сөзінде қыздың келбеті үлкен көрінгенін және олардың арасындағы жыныстық қарым-қатынас келісіммен болғандығы жөнінде айтты. Бірақ жәбірленуші тарап күдіктінің сөзін жоққа шығарып отыр», деп толықтырды баспасөз қызметіндегілер.

Қазір 1996 жылғы күдікті Іле ауданының ІІБ қамауда отыр.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021