Ан-148 ұшағының апатқа ұшырау себебі анықталды

Мәскеу түбінде Ан-148 ұшағының құлау себебі қабылдағыштарда мұз қатып қалуынан ұшу жылдамдығы туралы жалған ақпараттың берілуі болуы мүмкін, деп хабарлады Sputnik Қазақстан Мемлекетаралық авиациялық комитеттің баспасөз қызметіне сілтеме жасап.

"Тіркелген деректерді бастапқы талдау бойынша, сонымен бірге соған ұқсас бұрын болған жайттарды саралай келе, ұшу кезінде тосын жағдайдың орнығуына ұшқыш индикаторындағы жылдамдықтың қате көрсетілуі себеп болуы мүмкін деп ойлаймыз, ал ол өз кезегінде жылыту жүйесі сөніп, толық қысым қабылдағыштардың қатып қалуына байланысты қате көрінген сияқты", — делінген хабарламада.

Үш толық қысым қабылдағышының өшіп қалу себебін анықтау үшін тергеу комиссиясы борттағы дыбыс магнитофонын зерттеп, экипаждың әрекетін, қабылдағыштармен қалай жұмыс істегенін білуге тырысады, сонымен қатар жылыту жүйесінде болуы мүмкін ақауларды анықтайды.

11 ақпанда Домодедоводан ұшып шыққан "Саратовские авиалинии" компаниясының Ан-148 ұшағы Ор қаласына бет алған еді, алайда екі минут өтер-өтпесте апатқа ұшыраған. Бортта 65 жолаушы мен алты экипаж мүшесі болған. Бәрі қаза тапты.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021