Ақмола облысында жолда қалған Қырғызстанның 7 азаматы құтқарылды

www.inform.kz

Жолаушылардың барлығы Щучье қаласындағы №24 мамандандырылған өрт сөндіру бөліміне жеткізілді.

Ақмола облысында жолда қалған Қырғызстан Республикасының 7 азаматы құтқарылды. Оның 2-уі бала, деп хабарлайды ҚазАқпарат.

Облыстық ТДЖ баспасөз қызметінің мәліметінше, 13 ақпанда таңғы уақыт 08:23-тер шамасында «Астана-Петропавл» тас жолының 240 шақырымында, яғни Щучье қаласынан шыға берістегі «ҚазМұнайГаз» жанармай бекетінің маңында «Мерседес Вита» минивэн көлігі істен шыққаны туралы ақпарат түскен.

«Оқиға орнына жеткен құтқарушылар көліктің Ресейдің Пермь қаласына бағыт алғанын жəне салонында Қырғызстан 7 азаматы (оның ішінде 2-уі бала) отырғанын анықтады. Жолаушылардың барлығы Щучье қаласындағы №24 мамандандырылған өрт сөндіру бөліміне жеткізіліп, ыстық тамақпен қамтамасыз етілді», -деп мәлім етті ТЖД.

Оқи отырыңыз