Өскемендік әйел Instagram арқылы балалар киімін сатам деп жұртты алдаған

Өскеменнің 27 жастағы тұрғыны алаяқтық жасады деп айыпталуда. Әйел Instagram желісінде балаларға арналған киім дүкенін ашып, Қазақстанның барлық қаласынан тапсырыс қабылдаған. Бірақ клиенттердің ешқайсысы сатып алған заттарын алмаған, деп хабарлайды Today.kz ШҚО ІІД баспасөз қызметіне сілтеме жасап.

"Өскемен тұрғыны танымал әлеуметтік желіден парақша ашып, қолданушыларға балаларға арналған киімді арзан бағамен ұсынған. Бұған сенген тұрғындар тапсырыс рәсімдеп, терминал арқылы ақша аударған, бірақ тауарлары ақыры келмеген. Өтірік хабарландыруға алданған 13 адам анықталды. Олардың бәрі Қазақстанның әр қаласынан, Алматы, Ақтөбе, Ақтау қаласының тұрғындары", – делінген хабарламада.

"Саудагерге" 20 мың теңгеден жүз мыңдаған теңгеге дейін ақша аударылғаны анықталды.

"Шығынның жалпы көлемі бір миллионнан асады. Тергеу жұмыстары жүріп жатыр. ҚР ҚК 190 бабы бойынша сотқа дейінгі тергеу жүргізілуде", – деді полиция.

Тәртіп сақшылары қазақстандықтарды интернет арқылы тапсырыс бергенде мұқият болуға шақырады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021