Ирак соты түркиялық 16 әйелді өлім жазасына кесті

Ирактың орталық соты "Ислам мемлекеті" лаңкестік ұйымымен байланысы бар 16 түрік әйелді өлім жазасына кесті деп хабарлайды Sn.kz РИА Новостиге сілтеме жасап.

"Ирактың орталық соты Түркияның 16 азаматының ісін қарап, олардың ДАИШ ұйымына қатысы бар екенін анықтады... Сол оларды лаңкестікке қарсы заңның аясында өлім жазасына кесіп отыр", - делінген орталық соттың үкімінде.

Ирак Жоғарғы сот кеңесінің өкілі Әбдел Саттар Бірқадардың айтуынша, айыпты әйелдер тергеу барысында Иракқа ДАИШ содырларына күйеуге шығу үшін және оларға қолдау көрсету үшін келгендерін жасырмаған. Сотталғандар үкіммен келіспесе қайта шағымдануға құқылы.

Айта кетейік, бұған дейін де Бағдат соты Түркиядан Иракқа ДАИШ содырлары үшін арнайы келген әйелді ұстап, өлім жазасына кескен болатын. Сондай-ақ, күйеулерімен бірге келіп, жесір қалған тағы екі түрік әйелі ұзақ мерзімге сотталды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021