Қызылордада құлаған жатақхана тұрғындары пәтерлерге көшіріле бастады

Sn.kz Sn.kz
Комиссия жұмысының нәтижесі 12 наурызда белгілі болады.

Құлаған жатақханадан мектепке эвакуцияланған отбасылар жергілікті билік есебінен жалға алынған пәтерлерге көшіріліп жатыр, деп хабарлайды Sn.kz.

Жатақхана тұрғындары 2 күн «Мұрагер» мектебіндегі эвакуациялық бекетте болған. Бұл туралы қала әкімінің орынбасары Асылбек Шәменов Өңірлік коммуникациялар қызметінде өткен баспасөз конференциясында мәлімдеді.

«Бұған дейін жатақханадан эвакуацияланған 46 отбасыны 2 күнде пәтерлерге орналастырамыз деп мәлімдеген болатынбыз. Қазіргі кезде отыздан астам жанұяны көшірдік. Бұл жұмыс жалғасып жатыр», - деді Асылбек Шәменов.

Естеріңізге сала кетсек, 28 ақпан күні Қызылордада Титов тұрғын ауданы 16А жатақхананың бос тұрған бір бөлігі опырылып түскен. Өзге бөлігінде тұрған 46 отбасы эвакуацияланды. Облыс әкімі Қ.Көшербаевтың тапсырмасына сәйкес тұрғындар 6 айға уақытша баспанамен қамтамасыз етілді, қаржысы жергілікті бюджеттен бөлінеді. 1-2 күннің ішінде олар толығымен пәтерлерге көшіріледі. Аталған жағдайға байланысты құрылған арнайы комиссия отбасыларды заң талаптарына сәйкес баспанамен қамту үшін әр жанұяның жағдайын зерттеп жатыр. Сонымен қатар, құлаған жатақхананы бұзу туралы шешім қабылданды. Бұл жағдай облыс әкімдігінің жіті бақылауында.

Облыс әкімінің тапсырмасына сәйкес қаладағы жатақханалардың жағдайын анықтайтын арнайы комиссия құрылды. Комиссия жұмысының нәтижесі 12 наурызда белгілі болады.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз