Жаңалықтар тізбегі
0

Петропавлда декорация басып қалған қыз ауыр жағдайда жатыр

www.inform.kz, сурет - Zakon.kz жаңалық 20.03.2018 23:02 www.inform.kz
19 наурыз күні Петропавл орталығында мерекеге арналып құрылған декорация жас қыздың үстіне құлап, жедел ауруханаға жеткізілген болатын.

Петропавл қаласындағы №3 ауруханасы бас дәрігерінің орынбасары Руслан Тасов кеше үстіне көрнекі арка құлаған қыздың жағдайы туралы айтты, деп хабарлайды ҚазАқпарат.

«Қыз есін жиған. Жуық арада консервативтік ем жасалады. Мұндай жарақат ұзақ уақыт емдеу және оңалту курсын қажет етеді. Астаналық мамандармен ақылдасып, содан соң ота жасау туралы шешім қабылдаймыз», - дейді Р. Тасов.

Оның сөзіне қарағанда, 1995 жылы туған қыздың жағдайы ауыр болғанмен, тұрақты, өміріне қауіп төніп тұрған жоқ. Қыз бір айға дейін ауруханада болады. Конструкцияның құлауына күшті жел себеп болуы мүмкін.

«Мерекелік конструкциялар бетон блоктарымен нығайтылғанына қарамастан, 19 наурыз күні 12:01-де Қазақстан Конституциясы көшесіндегі көрнекі арка сол маңнан өтіп жатқан қыздың үстіне құлады. Жәбірленуші жедел ауруханаға жеткізілген. Мердігер ұйым басқа конструкциялар құламас үшін қосымша шаралар қарастырып жатыр», - дейді Петропавл әкімдігінің баспасөз қызметінің өкілдері.

Еске сала кетейік, кеше, 19 наурыз күні Петропавл орталығында мерекеге арналып құрылған декорация жас қыздың үстіне құлап, жедел ауруханаға жеткізілген болатын.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: