Жаңалықтар
Басқа бұқаралық ақпарат құралдарында
Загрузка...
Оқи отырыңыз

Абай шығармалары Өзбекстанның білім бағдарламасына енгізіледі

Наурызда Өзбекстан президенті Абайдың шығармашылық мұрасын кеңінен зерттеп, насихаттау туралы жарлыққа қол қойған болатын.

Сурет : Хабар 2423 Сәуір 2018, 10:17

Көрші елдің жастары осылайша ұлы ақынның туындыларын ана тілдерінде оқи алады, деп хабарлайды Хабар 24.

Қазірдің өзінде Өзбекстан мектептерінде оқушыларға ақынның өсиет сөздері үйретіліп жатыр. Ол үшін арнайы сағаттар да бөлінген. «Дегенмен бұл аздық етеді», – дейді ұстаздар қауымы.

Зеңгі ата ауылындағы мына мектеп 200-ден астам балаға арналған. Олар үш тілде білім алады. Алтыншы сынып оқушылары аптасына екі сағат Абайдың өзбек тіліне аударылған шығармаларын оқиды. Осылайша шығыс шайырларын жатқа білетін көрші елдің жастары қазақ ақынын аздап болса да таниды. Ал Абай Құнанбайұлының шығармалар жинағы білім бағдарламасына енгізілуі құптарлық іс. «Өйткені ұлы қазақ ақыны түркі жұртының жырлаушысы», – дейді педагогтар.

- Бұл екі мемлекет үшін де жақсы деп ойлаймын. Өйткені Әлішер Науаиды қазақтар үйреніп жатқанда, біз неге Абайды оқымаймыз. Жастарымызға Абай Құнанбаевтың құнды дүниелерін жан-жақты түсіндіріп, шығармаларымен жақынырақ таныстырып, өсиет сөздері мен мұрасын үйретсек ұтарымыз көп болады, - деді өзбек тілі және әдебиеті пәнінің оқытушысы Хуршида Исмаилова.

Наурызда Өзбекстан президенті Абайдың шығармашылық мұрасын кеңінен зерттеп, насихаттау туралы жарлыққа қол қойған болатын. Қазір Өзбекстан жазушылар одағының мүшелері Абай оқулықтарын аударуды мықтап қолға алған. Ғалымдар ақынның бір томдық таңдамалы шығармалар жинағын туған күніне дейін шығаруды көздеп отыр. Тіпті ғылыми топ Абайдың туған жерінде де болып қайтпақ.

- Біз Абайдың жаңа қырын ашып көрсетуге тырысып жатырымыз. Абайдың өр мінезі мен қайратты рухы, өз халқының болашағы үшін күйіп-жанып жазған шығармалары бүгінгі жастардың бойына жігер береді. Ұрпақ санасын байытады. Біз өткенді қадірлесек қана келешекке жаңа күшпен рухани бай болып жетеміз, - деді Өзбекстан жазушылар одағы қазақ әдебиеті кеңесінің жауапты хатшысы Мехмон Исломханов.

Өзбек әдебиетінде Абайдың алар орны ерекше. Өйткені ақын екі елдің достығы мен бауырластығын жырлады. «Оның шығармашылық мұрасы қазақ халқының ғана емес, барша түркі жұртының рухани даму тарихында өшпес із қалдырды», – дейді ғалымдар.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер