Жаңалықтар тізбегі
0

Қазақстанда сотталған бір адамды асырау үшін қанша қаражат жұмсалады

ҚазАқпарат, сурет - Zakon.kz жаңалық 23.04.2018 18:04 ҚазАқпарат
Сотталған және тергеуге байланысты қамалған адамды бір күн асырау үшін соңғы мәліметтер бойынша 2,4 мың теңге, жылына 876,9 мың теңге жұмсалады.

Қазіргі таңда бас бостандығынан айыру орындарында 27 мың қазақстандық жазасын өтеп жатыр. Оның 6 мыңы уақытша ұстау изоляторында жатыр, деп хабарлайды ҚазАқпарат тілшісі ҚР СІМ Қылмыстық-атқару комитетіне сілтеме жасап.

Агенттіктің ресми сауалына берілген жауапқа сәйкес, сотталған және тергеуге байланысты қамалған адамды бір күн асырау үшін соңғы мәліметтер бойынша 2,4 мың теңге, жылына 876,9 мың теңге жұмсалады.

Еңбекке жарамдылардың ішінде 72,2 пайызы жұмыс істейді. Олардың барлығы айлығын алып отыр. Олардың орташа айлығы шамамен 22-30 мың аралығында. Атқарылған жұмыс еңбек өтіліне есептеледі. Сотталғандардың айлығы ақшаны уақытша сақтаудың қорытынды басқару есебіне (ҚБЕ) аударылады.

Барлық төлемдер мен аударымдар сотталғандардың өтініші бойынша ҚБЕ-ден қолма-қол ақшасыз жүргізіледі. ҚБЕ-ден банк карточкасына айлық тек қауіпсіздігі минималды мекемелерде қамалғандарға ғана аударылып отырады. Барлық облыстар мен түзеу мекемелерінде «Еңбек» РМК филиалдары жұмыс атқаруда. Қамалғандар жұмыс кезінде металл өңдеу, ағаш өңдеу, құрылыс материалдары, ауыл шаруашылығы өнімдері, тоқыма бұйымдарын өндіріп, күзет және видеобақылау жүйесінің инженерлік-техникалық саймандарын монтаждау және жөндеу жұмыстарын жүргізеді. Сонымен қатар, шағын және орта бизнестің субъектері тартылады.

Осы жылдың басынан бастап 251 бизнесмен өндірістік алаң сенімгерлік басқаруын мойнына алып, осының арқасында 3 мың сотталған адам жұмыспен қамтылған. Сонымен бірге, тағы 9 бизнесмен ағаштан кәдесый жасау, етік тігу, ұлттық бұйымдарды әзірлеу бағытында жеке өндірісін жолға қойып алған.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: