Жаңалықтар
Басқа бұқаралық ақпарат құралдарында
Загрузка...
Оқи отырыңыз

Денсаулық сақтау министрлігі мектептерде дефибрилляторды орнату мәселесін қарастыруда

Конгресс аясында Қазақстан-Израиль II симпозиумы, ал Онкология мен трансплантология Ұлттық ғылыми орталығында шетелдік мамандардың мастер-класстары ұйымдастырылады.

Сурет : organserdce.com28 Сәуір 2018, 10:29

Астанада анестезиологтар мен реаниматологтардың II конгресі басталды. Пленарлық мәжілісті ашқан ҚР Денсаулық сақтау вице-министрі Ляззат Ақтаева осы саладағы негізгі мәселелерді белгілеп берді, деп xабарлайды ҚазАқпарат тілшісі.

Вице-министрдің айтуынша, форум барысында қажетті құрал-жабдықтармен қамтамасыз ету мәселесін де жан-жақты талқылау қажет. Осы орайда xалықаралық стандарттарды зерделеп, ұлттық стандарттарға тиісті өзгерістерді енгізген жөн.

«Сосын қоғамдық жерлерде жедел жәрдем жасау саласындағы шетелдік тәжірибені кеңінен зерттеп шығуымыз қажет. Әсіресе, парамедиктердің біліктілігін арттыру жағынан көп жұмыс жасау керек. Өйткені мектеп оқушыларының сабақ кезінде қайтыс болу фактілері бар. Мектепте дефибриллятор қою қажет пе, жоқ па, осы орайда шетелдік сарапшылар нақты ұсыныс жасаса, дұрыс болатын еді. Бұдан бөлек, соңғы оқиғаларды ескере отырып, стоматологиялық анестезия, жалпы xирургиялық операциялар анестезиясы кезінде адам өлімі мәселелерін зерделеуіміз керек. Мамандардың кәсіби біліктілігін қалай арттырамыз? Қандай дайындық жетіспейді? Осының бәрін талқылауымыз қажет», - деп атап көрсетті Л.Ақтаева.

Оның сөзіне қарағанда, министрлік конгресс кезінде жасалған ұсыныстардың негізінде тиісті нормативтік-құқықтық актілерге өзгерістер мен түзетулерді енгізуге әзір.

Айта кетейік, анестезиологтар мен реаниматологтардың II конгресі «Рамада Плаза» қонақүйінде өтуде. Аталған шара 30 сәуірге дейін жалғасады. Оған Израиль, Беларусь, Ресей, Өзбекстан және тағы басқа шетелдің білікті мамандары қатысуда. Олар анестезиологиялық-реаниматологиялық қызметті дамыту, педиатрия мен неонатологияның интенсивті терапиясын, сондай-ақ, кардиоанестезилогияны нығайту мәселелерін талқылайды.

Конгресс аясында Қазақстан-Израиль II симпозиумы, ал Онкология мен трансплантология Ұлттық ғылыми орталығында шетелдік мамандардың мастер-класстары ұйымдастырылады.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер