Оралдық азамат енесін атып өлтіріп, қайны атасын жарақаттаған

Бейсенбі күні кешке таман Орал қаласы «Құрылысшы» ықшамауданының маңында атыс болды. Бұл туралы Батыс Қазақстан облысының денсаулық сақтау басқармасының баспасөз хатшысы Айнагүл Сақпосынова хабарлады, деп жазады Stan.kz ақпараттық агенттігі.

Батыс Қазақстан облысының денсаулық сақтау басқармасының баспасөз хатшысы Айнагүл Сақпосынова жедел жәрдемнің сағат 20.24-те шақырылғанын және оқиға орнына үш минут ішінде келгенін айтты.

«Оқ тиіп, жарақат алған 60 жастағы әйел жедел жәрдем келгенге дейін қайтыс болып кеткен. Сондай-ақ, 1951 жылы туылған ер адам ауруханаға жеткізілді. Ішіне оқ тиген азаматқа 6 сағат бойы ота жасалды. Науқастың жағдайы ауыр», – деді А.Сақпосынова.

Куәгерлердің айтуы бойынша, жас жігіт енесін атып өлтіріп, қайын атасын жарақаттаған.

Қазіргі уақытта қанды оқиғаның себебі анықталып жатыр.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021