Павлодарда садақа жәшігін ұрлаған екі күдікті ұсталды

Павлодарда екі ер адам сырқаты бар баланың еміне ақша жинау үшін қойылған жәшікті ұрлап кеткен, деп хабарлайды pavlodarnews.kz тілшісі.

Бұл туралы облыстық ІІД-нің баспасөз қызметі хабарлады.

- Полицияға баланың еміне арналған ақша жиналған жәшіктің ұрланғаны жөнінде 27 жастағы жергілікті тұрғын өтінішпен жүгінді, - дейді баспасөз қызметінде.

– Тұрғындардың қайырымдылығы мен көмегіне үміттенген әйел облыс орталығында орналасқан дүкендердің бірінде еркін түрде ақша салу жәшігін орналастырған. Садақа жәшігінен пайда таппақ болған ұрылардың әрекеті дүкеннің бейнебақылау камерасына түсіп қалған. Кадр жазбаларында күдіктінің бірі капюшонын киіп, ақша жиналған жәшікті алып қашқаны көрінеді.

Тәртіп сақшыларының жүргізген іздестіру іс-шараларының нәтижесінде аталған қылмысты жасады деген күдікпен 20 және 45 жастағы екі ер адам ұсталды.

Аталған фактіге қатысты ҚР ҚК 188-бабының екінші бөлімі, бірінші тармағы бойынша сотқа дейін тергеп-тексеру амалдары жүргізілуде.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021