Ақтөбеде қоғамдық көлік жүргізушісін жолаушы пышақтап кетті

ҚазАқпарат ҚазАқпарат
Оқиға №26 бағыттағы маршрутта болды.

Ақтөбеде қоғамдық көліктің 30 жастағы жүргізушісі пышақ жарақатын алып, кондуктор соққыға жығылды. Бұл туралы «Автопарк» ЖШС-нің заңгері Руслан Жылқаманов растады, деп хабарлайды ҚазАқпарат тілшісі.

«Кеше сағат 22:00-де «Автопарк» ЖШС-нің жүргізушісіне шабуыл жасалды. Оқиға №26 бағыттағы маршрутта болды. Жолаушылар мен жүргізушінің айтуынша, екі жігіт 11-шағын ауданы аялдамасынан мініп, қоғамдық көліктегі адамдарға тиісе бастаған. Екі күдікті сабырға шақырып, ескерту жасаған кондуктор мен жүргізушіге көнбей, оларды далаға алып шыққан. Сосын біреуі пышақ алып, жүргізушіні жаралаған. Жолшылар сол кезде жедел жәрдем шақырып, зардап шегушіні ауруханаға жеткізілді. Ал күдікті екі жігіт оқиға орнынан қашып кетті», - деді «Автопарк» ЖШС-нің заңгері Руслан Жылқаманов. Жүргізуші ауруханадан ем қабылдап, кейін үйіне жіберілген.

«Мұндай жағдай бірінші рет тіркеліп отыр. Сондықтан жәбірленушілер полицияға шағым түсірді. Мекеме тарапынан біз де күдіктілердің ұсталып, жазалануы үшін Сазды полиция бөліміне арыз жаздық», - деді Руслан Жылқаманов.

Айта кетейік, қазір жүргізуші мен кондуктор денсаулығына байланысты демалыс алып, ем қабылдап жатыр.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз