СҚО-да шұжық құрамынан левомицетин препараты анықталды

Солтүстік Қазақстан облысында шұжық құрамынан антибиотик табылды. Облыстық қоғамдық денсаулық сақтау департаментінің мамандары шаһардағы сауда орындарында арнайы тексеріс жұмыстарын жүргізіп, ет өнімдерінің құрамынан мөлшерден тыс левомицетин препаратын анықтаған, деп жазады Хабар 24 арнасы.

Аталған тауарлардың Петропавлға Омбы облысымен Орал қаласынан жеткізілгендігі белгілі болды. Қазір осы дерекке байланысты арнайы комиссия құрылды. Сауда айналымынан 12 келіден астам шұжық алынып тасталды. Ал тексеріс жұмыстары алдағы уақытта да жалғасын табады.

Айнаш Сағандықова, қоғамдық денсаулық сақтау департаментінің жетекші маманы: – 12 келіден астам шұжықты жою туралы шешім қабылданды. Және де алдағы уақытта осы өнімдердің қауіпсіздігін мониторингтен өткізу мақсатында басқарма мамандары әлі де осындай шараларды жүргізіп тұрады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021