Бекшин Қаскелеңдегі инфекциялық аурухананың неге жабылатынын түсіндірді

ОКҚ-да өткен брифингте Қоғамдық денсаулық сақтау комитетінің төрағасы, бас санитар дәрігер Жандарбек Бекшин Қаскелең қаласындағы инфекциялық аурухананың неге жабылатынын түсіндірді, деп хабарлайды Baq.kz.

«Қаскелеңдегі инфекциялық ауруханаға тоқталайын. Ол – өте ескі. Сондықтан біздің мамандар 2017 жылдың қараша айында аталған аурухананы жөндеу туралы бұйрық шығарды. Жөндеу жұмыстары 2018 жылдың 1-шілдесіне дейін аяқталуы қажет болған. Аурухананың бас дәрігеріне аталған ғимаратты осы жылдың бірінші жарты жылдығында күрделі жөндеу жұмыстарын жүргізеді деген міндет жүктелді», - деді ол.

Жандарбек Бекшиннің айтуынша, аудан билігі инфекциялық аурухананы жөндеуге тиісті қаражатты бөлмеген.

«Сондықтан аурухана санитарлық талаптарға келмегендіктен соттың шешімімен аурухана жөндеу жұмыстарына жабылады немесе аудан ауруханасының жанынан жаңа бөлім салу мәселесі тұр. Осылайша, аудан ауруханасында мамандары адамдарға тиісті көмек көрсете алатын болады», - деп түйіндеді сөзін бас санитар дәрігер.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021