Жаңалықтар тізбегі
0

Петропавлда екі қабатты үйдің қабырғасы құлады

Sputniknews.kz, сурет - Zakon.kz жаңалық 07.06.2018 20:30 Sputniknews.kz
Апаттық жағдайдағы үйдің қабырғасы түнгі екіде қираған, абырой болғанда, тұрғындар зардап шеккен жоқ.

Петропавлда Береке шағын ауданында екі қабатты тұрғын үйдің қабырғасы құлады, тұрғындар зардап шеккен жоқ, деп хабарлайды Sputnik тілшісі оқиға орнынан.

Уральская, 3 мекенжайы бойынша орналасқан үйдің тұрғындары хабарлағандай, бейсенбі күні түнгі сағат екіде қабырғаның құлаған үнінен жұрттың зәресі ұшты.

"Жаңбырдан кейін қабырға жарылып, күн сайын ұлғая берді, ақыры қабырға қирап қалды. Біз бірден учаскелік полицейді шақырып, түні бойы күзетте болды. Қатты қорқып кеттім, киініп, құжаттарымды алдым да, таңға дейін күтіп жаттым", — дейді үй тұрғыны Наталья Емельянова.

Көршілердің сөзіне сүйенсек, үй 1953 жылы салынған, 2014 жылы апаттық жағдайда деп танылыпты.

"Терезелер арасындағы қабырға құлап түскенде, мамандарды шақырып, акт жасаттық. Онда үйдің апаттық жағдайда екендігі, адамдарды көшіру керектігі айтылған, бірақ бұл мәселемен ешкім айналысқан жоқ. Ол кезде әлі де тұруға болатын, бірақ жыл сайын ахуал нашарлап, қазір бұл үйде тұруға қорқамыз, өмірімізге қауіп төніп тұр, бірақ паналайтын басқа жеріміз жоқ. Жаңбыр жауғанда, төбеден су ағып, үнемі көгеріп жатады, пәтерлерде жел үрлеп тұрады", — дейді Наталья Емельянова.

Үйде екі подъезд, сегіз пәтер бар, олардың бесеуінде адамдар тұрған. Қабырғасы құлаған екінші подъезде кеше ғана зейнеткер тұрып жатқан еді, абырой болғанда, ол кісіні ертерек көшіріп үлгеріпті. Қалған тұрғындар бірінші подъездегі төрт пәтерде орналасқан. Бұл подъездің де қабырғасы құлағалы тұр.

Таңертең ТЖД қызметкерлері келіп, үйді қарап шықты, бірақ тұрғындарды көшірген жоқ. Халық әлі де үйдің маңында, билік өкілдерінің шешімін күтіп жүр.

"22 мамырда Петропавл қаласы әкімінің орынбасары Евгений Глотовтың қабылдауында болдым. Мәселені шешеміз деді, бірақ бос баспана жоқ, кезек жылжымайды. Первомайская көшесіндегі үйді бұзып, бізге баспана салып береміз деген, бірақ әзірге қаражат жоқ. Қашан болары белгісіз… Уәде бергеннен басқа ештеңе тындырылмайды", — дейді Наталья Емельянова.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: