Жаңалықтар тізбегі
0

ШҚО-да мал егуге шыққан ветеринарлар жоғалып кетті

www.inform.kz, сурет - Zakon.kz жаңалық 20.06.2018 16:46 www.inform.kz
Жоғалған адамдарды іздеуге Шығыс өңірлік аэроұтқыр құтқару жасағаының мамандары тартылды.

Шығыс Қазақстанның Күршім ауданына қарасты Маралды ауылдық округінде мал егуге шыққан ветеринарлар жоғалып кетті, деп хабарлайды ҚазАқпарат тілшісі.

50 жастағы маман қасындағы әріптесімен бірге кештетіп Маралды ауылынан Үшбұлақ елді мекеніне шығады. Кейін олардың діттеген жерге жетпегені мәлім болған. Маралды ауылынан 5 шақырым жердегі Күршім өзенінің жағасынан ветеринарлар мінген көліктің бөлшектері табылған.

«Оқиғаның қалай өрбігенін тексеру органдары анықтауда. Өзен жағасында көлікті кенет тежеген із қалған. Ол із өзен арнасына жетіп үзілген. Жағалаудың бұл бөлігі опырылуға бейім екені де көрініп тұр. Автомобиль Күршім өзеніне батып кетті деген болжам бар», - делінген облыстық төтенше жағдайлар департаменті таратқан ақпаратта.

Жоғалған адамдарды іздеуге Шығыс өңірлік аэроұтқыр құтқару жасағаының мамандары тартылды.

«Қазір су деңгейі көтеріліп кеткен. Өзендер тасып жатқандықтан ештеңе көрінбейді. Су ағысы да қарқынды. Іздеу жұмыстарының өзі тәуекелмен жүргізіліп жатыр. Құтқарушыларға ауыл тұрғындарынан жасақталған 35 ерікті қосылды» - дейді Күршім аудандық төтенше жағдайлар бөлімінің басшысы Азамат Әбдірахманов.

Әзірге құтқарушылар бір маманның денесін судан алып шықты. Ол оқиға орнынан 30 шақырым жердегі Қыстау Күршім ауылының маңынан табылды. Екінші адамның денесі әлі іздестірілуде.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: