Жаңалықтар
Басқа бұқаралық ақпарат құралдарында
Загрузка...
Оқи отырыңыз

Астаналық оқушы қоқысты бөлек жинаудың әдісін тапты

Биыл шаралар «Рухани жаңғыру» бағдарламасы шеңберінде өтіп жатыр.

Сурет : elorda.info21 Маусым 2018, 16:04

Астанада «Жастар Синергиясы» жастар лагері жұмысын бастады. Мұнда 16 мен 29 жас аралығындағы 150 жас өздерінің идеясы мен жобаларын ұсынды, деп хабарлайды Елорда инфо әкімдіктің ресми сайтына сілтеме жасап.

Жазғы лагерьдің ең жас қатысушысы – 16 жасар Айболат Құрақбаев. Ол іс-шараға өте тыңғылықты дайындалып келіпті. Форумға оны қаланы қалай таза ұстаса болады деген идея алып келген. Астанада қалдықтарды бөлек жинайтынын есепке алған ол, мотиватор ойлап тапқан, яғни адамдар қоқысты үйінен бөлек-бөлек пакеттермен алып шығады.

«Менің идеям «clean city» деп аталады. Адамдар қоқысты бөлек салғысы келмейді, себебі ерінеді. Ал менің құрылғым адамдарды қалдықты қайта өңдеуге құлшындырады. Ол мобильді қосымша арқылы жұмыс істейді. Қоқыс жәшігіне жақын келген кезде өзінің телефоны арқылы арнайы кодпен идентификация жасап, қоқысты төгуіне болады. Егер айтарлықтай мөлшерде қоқыс жинасаңыз, сол үшін балл аласыз. Менің ойластыруымша, әлгі ұпайларды кәдімгі ақшаға айналдырып, ол ақшаны жинап, мысалға смартфон алуға болады», – дейді А. Құрақбаев.

Жастар лагерінде бірнеше жобалар ұсынылды. Жастардың идеясы көбіне әлеуметтік бағытта негізделген. Оларды пайдалану адамдардың өмірін жеңілдетуге көмектеседі.

«Hear.Me жобасы нашар еститіндерге алты метр қашықтыққа дейінгі аралықта не айтқанын түсінуге мүмкіндік береді. Бұл құрылғы оның қолында іске қосылған кезде жанады әрі дірілдеген қимылмен оны шақырып жатқанын білдіреді. Бұл идея бір танысымның шақырған кезде естімейтінін айтқан кезде келді», – дейді павлодарлық қатысушы Андрей Капцов.

Жастар лагерінің жұмысы үш күнге жалғасады. Қыз-жігіттер өздерінің жобаларын арнайы шақырылған коуч, бизнес-тренер, танымал тұлғалар мен стейкхолдерлермен бірлесіп, жетілдіре түседі. Сондай-ақ қатысушыларға 50 топтық және 15 жеке әлеуметтік жобаны бес бағыт бойынша ұсынады: «Жастардың әлеуметтік дамуы», «Жастар және бизнес», «Жастар, мәдениет және спорт», «Жастар ақпарат толқынында». Ең қызықты жобалар мен ұсыныстар бизнестің көмегі арқылы жүзеге асырылады.

«Біз бүгінде әлемге танымал ірі компаниялардың жиналып, өздерінің идеяларын іске асырғаны туралы көптеген мысалдарды білеміз. Олар оны бір гаражда жиналудан бастаған. Бүгінде олар ірі холдинг, корпорация, компанияларға айналып, бірнеше елдің экономикасын құрап отыр. Сол себепті, біз жастардың басын қосып, бизнес адамдарын біріктіреміз, яғни бүгінде өте өзекті деп саналатын әлеуметтік жобалармен айналысатын адамдар келіп, өздерінің тәжірибесін, бағытын бөліседі. Олар жастарды тыңдап, жобасын жүзеге асыруға көмектеседі. Ең қызықты деген жобалар бизнестің, әкімдіктің, астананың әлеуметтік белсенді азаматтары, қайырымдылық қорлары арқылы іске асырылады. Жобаның барлығы да қаладағы әлеуметтік-экономикалық ахуалды сауықтыруға бағытталған», – деді Қоғамды дамыту басқармасының басшысы Данияр Есин.

Айта кетейік, биыл шаралар «Рухани жаңғыру» бағдарламасы шеңберінде өтіп жатыр. Лагерьдің жұмысы 22 маусымға дейін жалғасады.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер