Семейлік тұрғын үйінен патша дәуіріндегі монеталарды тауып алды

Семей тұрғыны үйінің тозығы жеткен еденін ауыстыру кезінде патша заманында соғылған монеталарды тауып алды, деп хабарлайды Хабар 24.

Марат Сасановтың айтуынша, 20 дана «сөлкебай» бөлмелердің әр жерінде шашылып жатқан. Баспана осыдан 173 жыл бұрын тұрғызылған. Үй иесі, көне ақшалар құрылыс кезінде түсіп қалған деп есептейді. Ең ескі жәдігер 1833 жылы соғылған және олардың бәрі сол қалпы сақталған. Монеталардың көбі бес тиындық, арасында бір тиындықтар да бар.

– Қаламыздағы «Прииртыш» өлкетану қоғамының төрағасы болсам да, мен осынша көлемдегі монеталарды өз үйімнен тауып аламын деп ойламаппын. Бұлардың тарихи құндылығы жоғары. Әсіресе, нумизматтар үшін таптырмас жәдігер. Ең бастысы, олардың бәрі сапасын жоғалтпаған, жақсы сақталған, - дейді Семей қаласының тұрғыны Марат Сасанов.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021