Жаңалықтар тізбегі
0

ШҚО-дағы бір ғасырдан астам тарихы бар мешіт құлаудың алдында тұр

24.kz, сурет - Zakon.kz жаңалық 06.08.2018 16:05 24.kz
Ақкөл ауылында қазір бірнеше үй ғана қалған.

Шығыс Қазақстан облысының Ақкөл ауылындағы бір ғасырдан астам тарихы бар сәулет ескерткіші қирау алдында тұр. Оның ерекшелігі, ағаштан салынған ғимаратта бірде-бір шеге қолданылмаған. Кезінде мешіт болған нысан, біраз жылдан бері апатты жағдайда тұр. Іргетасы жермен жексен болып, ағаш белдіктері әбден шіріп кеткен. Бұл туралы zakon.kz, Хабар 24 телеарнасы жазған ақпаратқа сілтеме жасап хабарлайды.

Ақкөл ауылында қазір бірнеше үй ғана қалған. Солардың бірінде зейнеткер Гүлшира әжей тұрады. Бірақ ол кісі көшпейтінін айтады. Себебі мешіт ғимаратын қараусыз қалдырып кеткісі келмейді.

Гүлшира Сапариева, ауыл тұрғыны: – Төбесінің қаңылтыры ұшып кетті. Мұнаралары әлі құламайды.

Бұл мешітті осыдан 111 жыл бұрын жергілікті Сұлтан Фазылбеков есімді азамат салған екен. Ғимараттың құрылыс жұмыстарына Башқұртстанның ең мықты деген сәулетшілерін жұмылдырыпты. Ал құрылыс материалдары бүкіл Ертіс жағасындағы елді мекендерден жеткізілген көрінеді. Ғимарат мешіт ретінде 10 жыл ғана пайдаланылған. Кейіннен Кеңес үкіметінің тұсында мұнда бастауыш мектеп болған. Ауыл белсенділерінің Мәлика Наурызбаеваның айтуынша, бұл ғимаратты қайтадан қалыпқа келтірсе, ауыл да ажарлана түседі.

Мәлика Наурызбаева, ауылдық округтің қоғамдық медиаторы: – Бұл жерден тасжол өтіп жатыр. Тіпті кейбір жолаушылар осында тоқтап, ғимаратқа тамсанып қарап кетеді. Яғни халық қызығады деген сөз. Демек бұл жерде туризмді де дамытуға болады.

Биыл жазда бұл ғимаратқа облыстық тарихи-мәдени мұраны қорғау орталығының мамандары да қызығушылық танытыпты. Нысанды жан-жақты зерттеген олар, мұнда «Рухани жаңғыру» бағдарламасының аясында жөндеу жұмыстарын жүргізетін болып шешкен.

Бауыржан Баталов, Бесқарағай ауданы әкімінің орынбасары: – Ақкөл мешіті бүгінгі күні қатаң бақылауда тұр. Осы маусым айында облыстық мәдениет басқармасынан жұмыс тобы келіп, зерттеп кеткен болатын. Мешіт жөндеуден өткізіледі. Бірақ қашан, қай уақыттарда болатыны белгісіз. Оны сол жұмыс тобы шешетін болады.

Мешітті қалпында сақтап қалуды мамандар бұрын да қолға алған екен. Алайда оны облыс орталығына апарып қоймақ болған. Бірақ бұған жергілікті тұрғындар қарсы болыпты. Енді алдағы уақытта аталған ғимарат Ақкөл ауылының сәніне айналады деген сенім мол.

Авторлары: Дамир Берікұлы, Руслан Шақабаев, Анатолий Тернов

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: