Жаңалықтар
Басқа бұқаралық ақпарат құралдарында
Загрузка...
Оқи отырыңыз

Білім вице-министрі 25 балмен грантқа түскен талапкерлер туралы айтты

Колледжден кейінгі түлектер тек 70 сұраққа жауап береді, яғни екі пәнді ғана таңдайды. Сәйкесінше, оларда шекті балл 25-ке тең.

Сурет : egemen.kz6 Тамыз 2018, 17:01

Бүгін Астанада өткен баспасөз мәслихатында ҚР Білім және ғылым вице-министрі Асхат Аймағамбетов 25 балмен грантқа өткендер туралы айтты, деп хабарлайды ҚазАқпарат.

«25 балмен грантқа өткендерге тоқталсақ, кейбіреулері колледжді бітіргеннен кейін оқуға түсуге құжат тапсырады. Бұл ретте қысқа мерзімге 3 жыл оқитындар жатады. Мысалы, мектепті тәмамдаған түлектер ҰБТ тапсырғанда жоғары балл 140 болса, ең төменгі шекті балл 50-ге тең. Ал колледжден кейінгі түлектер тек 70 сұраққа жауап береді, яғни екі пәнді ғана таңдайды. Сәйкесінше, оларда шекті балл 25-ке тең. Биыл «Атамекеннің» және колледждердің ұсынысымен біраз гранттардың санын колледжден кейінгі түлектерге бердік. Бірақ колледжден кейінгі гранттарға көп сұраныс болған жоқ, сондықтан осы мамандықтар бойынша олар шекті балды ала тұрып, грантты иеленіп жатты. Көбінесе, олар техникалық мамандықтарға тиесілі. Колледж бітіргеннен кейін 3 жыл оқиды», - деді вице-министр.

«Жалпы, колледждерді қолдауымыз керек. Осы оқу орындарын тәмамдаған түлектер қысқа мерзімде оқып шыға алады. Сол үшін биыл біраз гранттар бөлінді», - деп нақтылады А. Аймағамбетов.

Сонымен қатар, ол гранттарды бөлген кезде елімізде тиісті квоталар қарастырылғанын еске салып өтті. Бұл тұрғыда ата-аналарының қамқорлығынсыз қалған балаларға, Қазақстанның азаматы емес ұлты қазақ адамдар үшін бөлінген, сондай-ақ ауыл жастарына ескерілген квоталар бар.

Бұдан бұрын хабарланғандай, Қазақстанда шетелдегі қандастарымыз 25 және 26 балмен грантқа түсті.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер