Үндістан 2022 жылға дейін ғарышқа өз өкілін жібереді

Бұл туралы премьер-министр Нарендра Моди кеше тәуелсіздік күніне орай сөйлеген сөзінде атап өтті, деп хабарлайды Хабар 24.

Мәселен, биылғы салтанатты шара елдегі сайлау науқанымен тұспа-тұс келіп, үкімет басшысы өз партиясының келешек бағдарламасын паш етті. Онда премьер-министр үнділердің әл-ауқатын жақсартуға күш салып, денсаулық сақтау саласын реформалауға және ғарышты бағындыруға уәде етті.

- Алдағы уақытта халқымыздың ұлдары мен қыздары қолына еліміздің үш түсті туымен ғарышқа аттанатын болады. Ұлтымыздың бұл арманы тәуелсіздігімізге 75 жыл толғанға дейін жүзеге асуы тиіс, - дейді Үндістан премьер-министрі Нарендра Моди.

Айта кетейік, Үндістан 1947 жылы 15 тамызда Ұлыбританиядан егемендігін алған болатын. Содан бері елде бұл күн кеңінен атап өтіледі. Ал келесі жылдың көктем айында жалпыға ортақ сайлау өтуі тиіс. Модидің ойынша, алдағы саяси додада оның партиясы 2014 жылғы сайлаудан да жақсы нәтиежеге қол жеткізеді.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021