Толғақ қысқан министр ауруханаға велосипедпен келген

Толғақ қысқан Жаңа Зеландияның Әйелдер ісі жөніндегі министрі перзентханаға велосипедпен барған. Оның айтуынша, көлікте орын табылмағандықтан, осылай істеуге мәжбүр болған, деп хабарлайды Қазақпарат bbc.com-ға сілтеме жасап.

Жасылдар партиясының өкілі Джули Джентер Инстаграм парақшасында ерімен бірге демалыс күні таңертең велосипедпен серуендеп жүрген суретін салып қойған.

Сондай-ақ, 38 жастағы Джентер Көлік министрі көмекшісі міндетін атқарады. Ол жұртшылыққа велосипедке деген ерекше құлшынысымен танымал.

«Міне, сәті келді! Маған сәттілік тілеңіздер. Көлікте қолдайтын адамдарға орын болмағандықтан, біз велосипедті таңдадық, есесіне менің көңіл-күйім көтеріліп қалды!», - деп жазады министр Инстаграм парақшасында.