Жаңалықтар тізбегі
0

Жеті айда 1,3 миллион адамды заңдастырдық - министр Әбілқасымова

www.inform.kz, сурет - Zakon.kz жаңалық 28.08.2018 17:31 www.inform.kz
Бұдан бөлек, 642,5 мың адам үй шаруасындағы әйелдер, студенттер, тыс жерлерге кеткен адамдар 18 жастан асқан мектеп оқушылары ретінде және басқа санаттар бойынша нақтыланды.

ҚР Еңбек және xалықты әлеуметтік қорғау министрі Мәдина Әбілқасымова өзін-өзі жұмыспен қамтып жүргендерді заңдастыру бойынша есеп берді, деп xабарлайды ҚазАқпарат тілшісі.

Министрдің айтуынша, жылдың басында 2,7 миллион адамның нақты әлеуметтік мәртебесі болмаған.

"Бүгінде 1 миллион 385 мың адамның мәртебесі нақтыланды. Олардың ішінде 548 мың жұмыскер еңбек шартын жасап, міндетті зейнетақы жарналары түсе бастады. 13 мың кәсіпкер өз қызметін ресми түрде тіркеді. 22 мыңнан астам адам азаматтық-құқықтық сипаттағы шарт бойынша жұмыс істейтіндер, үй жұмыскері және шетелдік кәсіпорындарда жұмыс істейтіндер ретінде анықталды. 17 мыңнан астам адам жұмыссыз ретінде тіркелді. 84 мың адам әлеуметтік төлемдерді, ал 19 мың адам атаулы әлеуметтік көмекті алушы ретінде тіркелді. 29 мың әйел жүктілікке байланысты есепке қойылды. 8,7 мың адам үш жасқа дейінгі баласына күтім жасап отыр", - деді М.Әбілқасымова Үкіметтің бүгінгі отырысында.

Бұдан бөлек, 642,5 мың адам үй шаруасындағы әйелдер, студенттер, тыс жерлерге кеткен адамдар 18 жастан асқан мектеп оқушылары ретінде және басқа санаттар бойынша нақтыланды. Сондай-ақ дерекқорларда қайталанатын жеке сәйкестендіру нөмірлері (ЖСН), мерзімі өтіп кеткен құжаттар анықталып жаңартылды.

Оның сөзіне қарағанда, 25 тамыздағы жағдай бойынша дерекқорларда нақты әлеуметтік мәртебесі жоқ азаматтардың саны 1 миллион 320 мың адамды құрады.

Осылайша, министр Әбілқасымова бүгінгі жоспардың тең жартысын орындадық деп отыр.

Айта кетейік, өзін-өзі жұмыспен қамтып жүрген азаматтарды заңдастыру шаралары арнайы жоспар аясында атқарылып келеді. Аталған құжат 2018-2019 жылдарға есептелген.

Оған сәйкес, өзін-өзі жұмыспен қамтып жүргендерді ресми түрде тіркеп, xалықты әлеуметтік қорғау жүйесімен барынша қамту көзделген. Осыдан кейін медициналық сақтандыру жүйесі толығымен іске қосылады деген жоспар бар.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: