Ләйлә Сұлтанқызы: Күйеуім менен 12 жас үлкен, оның екінші әйелімін

Stan.kz Stan.kz
Ләйлә Сұлтанқызы өзінің еш уақытта ақ көйлек киіп, той жасамағанын айтты.

Тележүргізуші Ләйлә Сұлтанқызы көптің көкейінде жүрген сұрақтарған жауап берді. Күйеуі мен бала-шағасы жайлы айтты. Бұл туралы Әйгерім Есенәлі жүргізген “Nazar” сұхбатында айтылды, деп жазады Stan.kz.

Ләйлә Сұлтанқызы өзінің еш уақытта ақ көйлек киіп, той жасамағанын айтты. Оның өзіндік себептері бар.

“Мен Қайраттың екінші әйелімін. Оны көбі біледі. Күйеуімнен 12 жас кішімін. Бес баласы бар. Екеуіміз үйленер алдында маған талабын айтты. Ешуақытта менің бірінші орында болмайтынымды ескертті. Бірінші кезекте балалары, содан кейін ғана менің жағдайым. Осыған келіссең, бәрі жақсы болады деді. Оны қабылдадым. Және ол шарт бұзылмайды. Бірінші екеуіміздің емес, оның бірінші некедегі балаларының жағдайы жасалады. Бірақ күйеуімнің мені қатты жақсы көретінін, оны іс-әрекетінен-ақ білем. Мені әлі күнге дейін кішкентай деп қабылдайды. Кейде әке, аға секілді болып кетеді”, – дейді Ләйлә Сұлтанқызы.

Ләйлә Сұлтанқызы отбасында екі баланың анасы. Тележүргізуші отбасынан бөлек табыс жайлы, қанша жалақы алатыны жайлы айтып өтті.

“500 мыңнан көп жалақы алам. Жарнамалық посттардан табыс түседі. Оның әрқайсысы әр түрлі. Кейбірі бір жылы келісім шарт арқылы болады. Мәселен, ай сайын 5 млн теңге түсуі мүмкін. Әйелге өзінің тапқан табысы ешуақытта жетпейді. Менің жалақым үш көйлегімнен артылмайды деп әзілдеймін”, – дейді тележүргізуші.

Тележүргізуші өзінің әйел, бала тақырыбын қайта қолға алғанын айтты. Болашақта екі қыздың анасы атанғысы келетінін жеткізді.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз