Астанада 15 мектеп директоры жазаланды

​Оқу жылы басталар алдында көптеген мектеп басшылары ата-аналардан қосымша құжаттар сұратып, соның нәтижесінде ХҚКО-ларда жұмыс жүктемесі көбейген, деп хабарлайды Елорда Инфо «Астана - адалдық алаңы» жобасының жетекшісі Жазира Жылқышиеваға сілтеме жасап.

«Оқу жылы қарсаңында біз Халыққа қызмет көрсету орталықтары ұсынатын қызметтерге мониторинг жүргіздік. ХҚКО-ларда мектептердің артық құжаттарды талап етуі себебінен, оқушылардың ата-аналары кезекте тұрып, жұмыс жүктемесі көбейген», - деді Жазира Жылқышиева.

Ол мемлекет процестерді жаппай цифрландыру жолымен жүргізіп жатыр деп атап өтті. Мұндай шаралар әкімшілік кедергілер мен адам факторын жоюға ықпал етеді. Алайда, бүгінгі күні барлық процедуралар сандық емес. Соның салдарынан лауазымды тұлғалар артық құжаттарды талап ете отырып, өз өкілеттіктерін асырып түсетін жағдайлар туындайды.

«Аталған ақпарат Астана қаласының Білім басқармасына жіберілді. Мектептің 5 директорына қатысты тәртіптік шаралар қабылданды. 10 директорға қатаң ескерту жасалды», - деп атап өтті ол.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021