Теңіз кен орнында 20-дан астам жұмысшы ауруханаға түсті

Теңіз кен орнындағы "Болашақ" вахталық елді мекенінен 20-дан астам жұмысшы ауруханаға жеткізілді деп хабарлайды sputniknews.kz.

Атырау облысының қоғамдық денсаулықты сақтау департаментіне сілтеме жасап хабарлағанындай, кеше "Монтажспецстрой" АҚ-ның 22 қызметкері астан уланды деген күдікпен ауруханаға жеткізілген.

"Алдын ала диагноз — гастроэнтероколит. Клиника: локсу, құсу, дене қызуы 37-38, әлсіздік. Қазіргі таңда науқастардың жағдайы жеңіл және орта деп бағаланып отыр. Олардың барлығы "Болашақ" вахталық елді мекеніндегі асханада тамақтанып жүрген", — деп хабарлады департамент БАҚ-қа.

Олардың айтуынша, науқастардың барлығы орталық аудандық ауруханаға жатқызылған, қазіргі таңда жұқпалы аурулар дәрігері қарап, консультация беріп жатыр.

Сондай-ақ эпидемиологиялық тексеріс жүргізіліп, тамақтан улануға не себеп болғаны анықталуда.