Жаңалықтар тізбегі
0

Өскеменде қарызы бар адамдар мен қылмыскерлерді анықтайтын ақылды бағдаршам пайда болды

altaynews.kz, сурет - Zakon.kz жаңалық 05.11.2018 17:40 altaynews.kz
Базада алимент төлемейтіндерден бастап, іздеудегілерге дейін барлық қылмыскерлердің тізімі болады.

Жаяу жүргіншілерге арналған ақылды бағдаршамдар қарызы бар адамдарды, құқық бұзушылар мен іздеудегі қылмыскерлерді анықтайды, – деп хабарлайды Алтайньюс тілшісі.

Өскемен көшелеріне Ішкі істер министрлігінің базасына қосылған, жаяу жүргіншілерге арналған, камерасы бар бағдаршам орнатылды. Полиция басқармасы өкілдері ақылды бағдаршамның әзірге сынақ режимінде жұмыс істейтінін мәлімдеді. Бірақ құқық қорғау органдары қызметкерлері «ғажайып техникаға» үлкен үміт артып отыр.

– Адам жолдан өтіп бара жатқанда, камералар онлайн режимде ІІМ-нің базасымен салыстырып, оның кім екенін анақтайды. Базада алимент төлемейтіндерден бастап, іздеудегілерге дейін барлық қылмыскерлердің тізімі болады, – деп түсіндірді Өскемен қалалық полиция басқармасының жол-техникалық инспекция бөлімінің басшысы Сергей Коваленко.

Бағдаршам арнайы орталық алаңға орнатылған, себебі ол жақтан адамдар жолдан көп өтеді. Сонымен қатар, жақын маңда полиция стационар пункті бар. Ал ақылды техника қылмыскерді анықтаса, бұл туралы белгі дереу патруль қызметкерлеріне барады.

– Әзірге бағдаршам құқық бұзушыларды анықтап үлгермеді, бірақ бұл уақыт мәселесі. Біздің өңір үшін бұл ноухау. Себебі облыс көлеміндегі өзге қалаларда бұған дейін осындай бағдаршам орнатылды дегенді естімедім, – дейді Коваленко.

Ақылды бағдаршам камерамен ғана жабдықталмаған. Сонымен қатар оның қас қарайғанда автоматты түрде қосылатын үш жарық көзі бар. Сондықтан ол жаяу жүргіншілерді тәуліктің қай мезгілі болмасын, жазбай тани алады. Яғни 24 сағат үздіксіз жұмыс істейді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: