Маймыл жаңа туған нәрестені ұрлап кетіп, өлтіріп тастады

Маймыл жаңа туған нәрестені ұрлап кетіп, өлтіріп тастады. Бұл туралы The Telegraph басылымына сілтеме жасап Stan.kz хабарлайды.

Анасы 12 күндік сәбиін емізіп отырған кезде үйге маймыл кіріп кетіп, қолынан сәбиді жұлып алған. Артынша үйден қаша жөнеліпті. Іле-шала маймылдың соңынан әйел де жүгіріп, оны өзге туыстары мен көршілері де қуа жөнеледі. Олар маймылды тамақпен алдап, қолға түсірмек болған. Алайда жануар шатырдың үстіне шығып алып, қашып кетті.

Нәрестені көрші үйдің шатырынан тауып алған кезде, ол тірі болмаған екен.

«Маймыл баланың басын тістеп алып, адамдар өзін таяқпен қуалап, тас лақтыра бастаға кезде, сәбиді лақтыра салып, қаша жөнелген. Қансырап жатқан сәбиді ауруханаға жеткізді. Өкінішке орай, дәрігерлер оның қайтыс болғанын тіркеді», – дейді полиция қызметкері.

Сәбиінің өліміне сенбеген ата-анасы оны басқа клиникаға алып барыпты. Алайда ондағы дәрігерлер де нәрестенің өлімін растады.