Футболдың ережесі өзгерді
Pixabay
Футбол қауымдастықтарының халықаралық кеңесі (IFAB) футбол ойынының ережелеріне өзгерістер енгізді, деп хабарлайды Zakon.kz ұйымның сайтына сілтеме жасап.
Өзгерістер 2019 жылдың жазында күшіне енеді.
Бірінші өзгеріс қолмен ойнауға қатысты. Егер гол соққан футболшының байқаусызда болса да қолы допқа тисе – бұл сөзсіз ереже бұзу болып саналады.
Екіншіден, ауысқан ойыншы ең жақын тұрған алаң жиегінен шығып кетуге міндетті болады. Қазір футболшылар қосалқы құрам отырған жақтағы алаң жиегінен шығуда.
Үшіншіден, шабуылдағы команда айып добын орындаған кезде оның ойыншыларына қорғаныстағы команданың "қабырғасында" тұруға болмайды. Бірақ олар өз "қабырғасын" тұрғыза алады.
Төртінші өзгеріс пенальти орындауға қатысты. Енді қақпашы қақпа сызығын екі аяғымен емес, бір аяғымен басып тұрса да болады.
Сондай-ақ, сары қағаздар мен қызыл қағаздар бапкерлерге де көрсетіледі, ал доп төрешіге тиген жағдайда ойын тоқтатылып, допқа талас белгіленеді.
