Жаңалықтар тізбегі
0

Мирзёев үш облыс әкімін халық алдына шығарып, тізерлетті

видеодан алынды, сурет - Zakon.kz жаңалық 05.08.2019 17:45 видеодан алынды
Үш әкімнің кешірім сұраған сәтіндегі видеосы әлеуметтік желілерде кеңінен тарауда. Видеода әкімдер Өзбекстан еліне тыныштық пен береке керек екенін айтуда.

Қашқадария, Ферғана және Хорезм облыстарының үш әкімі президенттің бұйрығы бойынша халық алдына шықты. Олар халықтан, мемлекет басшысынан, блогерлерден және халықаралық қоғамдастықтан жергілікті тұрғындар мен кәсіпкерлердің мүлкін сүру кезінде жіберген қателіктері үшін айыбын мойындап, кешірім сұрады, деп хабарлайды CA-News.

Үш әкімнің кешірім сұраған сәтіндегі видеосы әлеуметтік желілерде кеңінен тарауда.

Ферғана облысының әкімі Шухрат Ганиев Риштан ауданы тұрғындарымен кездесуінде осы аумақтағы үйлерді сүру "қате" болғанын мойындап, өзінің заңсыз әрекеті үшін жергілікті тұрғындардан кешірім сұрады.

Сондай-ақ ол өз сөзінде осы заңсыздыққа жол берген Риштан ауданы әкімдігіндегі 14 бастықты қызметінен алып тастағанын да баса айтты.

Ферғана облысының әкімінен кейін Қашқадария облысының әкімі Зафар Рузиев заңсыз бұзылғаны үшін көпшілік алдында кешірім сұрады. Ол да ферғаналық әріптесі сияқты бұл мәселеде үлкен қателік жібергенін мойындады.

- Яккабаг аймағында болған жағдайға облыс пен облыс әкімшілігі 100 процент кінәлі. Мен үкіметтен, мемлекеттен, құрметті адамдардан, құрметті блогерлерден, құрметті журналистерден, осы жағдайдан жапа шеккен кәсіпкерлерден кешірім сұраймын және олардың алдында тізе бүгемін. Егер олар бізге екінші мүмкіндік берсе, онда біз "сүру, алу және жою" туралы бұйрық берген кездегі бұрынғы саясаттан мүлдем бас тартамыз. Біз әрбір тұрғынмен, қажет болған жағдайда жеке-жеке жұмыс жасаймыз және оларға барлық қажетті көмекті көрсетуге дайынбыз, - деді Қашқадария облысының әкімі Зашар Рузиев.

Хорезм облысының әкімі Фарход Ерманов та Өзбекстан халқынан ашық түрде кешірім сұрап, енді барлық шешімді халықпен алдын ала келісіп алып, шешетінін айтты.

Ал әлеуметтік желілердің өзбек сегментінде блогерлердің тағы бір талаптары жаппай тарап жатыр. Олар Өзбекстанның басқа облыстарының әкімдерінен де заңсыз сүру және адамдарды мәжбүрлі түрде жұмысқа жеккені үшін кешірім сұрауды талап етуде.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: