Кетем дейді. "Астананың" мықтысы Марин Томасовқа Түркиядан ұсыныс келді

Sportske jutarnji басылымы хабарлағандай, 31 жастағы хорват Түркияның ірі клубтарының бірінен ұсыныс алып, енді кәдімгідей ойланып қалды. Футболшының трансфері тамыздың соңына дейін рәсімделуі мүмкін.

Ал Yeniakit.com.tr басылымы таратқан мәліметке сай, Марин Томасовқа былтыр Түркия Суперлигасында 14-ші орын алған түріктің "Касымпаша" клубы ұсыныспен шығып отыр. Ұсыныстың қаржылық жағы жария етілген жоқ.

Томасов "Астанада" 2017 жылдан бері ойнап келеді, оның клубпен келісімшарты 2019 жылдың желтоқсанына дейін жасалған болатын.

Бұған дейін "Астананың" тағы бір көшбасшысы ойыншысы – қорғаушы Марин Аничич "Коньяспормен" екі жылдық келісімшарт жасасып, Түркияға кетіп қалған болатын.