Қырымда Украина туы көкке көтерілді
Facebook
Қырымда Украина туы көкке көтерілді деп Херсон облыстық мемлекеттік әкімшілігі төрағасының кеңесшісі Богдан Ковалев Facebook-тегі парақшасында жазды, деп хабарлайды Lenta.ru.
Оның айтуынша, туды Судак қаласындағы Украина патриоттары 6 тамызда Донбаста мерт болған 4 әскериге құрмет көрсету үшін көтерген.
Бұған дейін Донбастағы Біріккен күштер операциясының Украина штаб-пәтері өзін Донецк халық республикасы (ДХР) деп жариялағандардың қарулы күштері атқылауы салдарынан төрт украин десантының қайтыс болғандығыхабарланған болатын. Бұл оқиға Украина Президенті Владимир Зеленскийдің Ресей мен Франциядағы әріптестері Владимир Путин мен Эмануэль Макронға қоңырау шалуына себеп болды.
Бірақ ДХР өздерінің украиналық әскерилердің өліміне қатысын жоққа шығарды. Олардың мәліметінше, украин әскерилері оқ-дәрілерді ұқыпсыз ұстағандықтан қаза болған.
2014 жылғы наурызда өткен референдум нәтижелері бойынша Қырым Ресей құрамына енген болатын. Бірақ Украина мұны басқыншылық деп есептеп, референдумды мойындамайды.
