Жаңалықтар тізбегі
0

Әр облысқа арналған парламенттік тыңдаулар өткізу керек - Дариға Назарбаева

Сенаттың баспасөз қызметі, сурет - Zakon.kz жаңалық 09.10.2019 14:55 Сенаттың баспасөз қызметі
Дариға Назарбаева өңірлерді дамыту жөніндегі парламенттік тыңдауларды әкімдер мен мәслихат депутаттарының қатысуымен өткізуді ұсынды.

Сенат Төрағасы Дариға Назарбаева Батыс Қазақстан облысына жұмыс сапары барысында мәслихат депутаттарымен, мәслихат жанындағы Қоғамдық кеңес мүшелерімен және Кәсіпкер әйелдер ассоциациясының өкілдерімен бірқатар кездесулер өткізді, деп хабарлайды Zakon.kz.

Мәслихат депутаттары аймақтың дамуына қатысты Жайық өзеніндегі экологиялық жағдай, кәсіпкерлікті дамыту, агроөнеркәсіп кешенін қолдау туралы ең маңызды мәселелерді ортаға салды.

, сурет - Zakon.kz жаңалық 09.10.2019 14:55

"Мүмкін, біз әр облысқа арналған парламенттік тыңдаулар жоспарлауымыз керек шығар. Сонда біз жергілікті жерлердегі адамдарды не толғандыратынын, шешілмей жатқан қандай жүйелі проблемалар барын бірден білетін боламыз. Бұл жерде реттеудің жоқтығынан немесе оның жеткіліксіздігінен, болмаса заңнамалық базаның әлсіздігінен шешілмейтін мәселелер туралы сөз болып отыр", - деді Д.Назарбаева мәслихат депутаттарымен кездесуде.

Д.Назарбаева мәслихат жанындағы Қоғамдық кеңес мүшелерімен кездесуде қазіргі кезде елімізде 4 мыңға тарта адам жұмыс істейтін 200-ден астам кеңес құрылғанын еске салды. Сенат басшысының айтуынша, қоғамдық кеңестердің міндеті – қабылданатын шешімдерге тұрақты сараптама жасаудың есебінен атқарушы және заң шығарушы биліктің өңірлік органдары жұмысының сапасын арттыру, мемлекеттік билік органдарының алдына аймақ халқын барынша алаңдататын өзекті мәселелерді қоя білу.

Д.Назарбаева Кәсіпкер әйелдер ассоциациясының өкілдерімен кездесу кезінде мемлекеттік басқару мен еліміздің саяси өміріне әйелдердің қатысуын кеңейтуге назар аударды. Оның пікірінше, Қазақстан халқының 50 пайызынан астамын әйелдер құрайтындығына қарамастан, олар мемлекеттік құрылымдарда аз.

"Мемлекеттік органдар немесе компаниялардың басшыларымен қоса, көптеген жұмыс берушілер басшылық лауазымға әйелдерге қарағанда ер адамды көбірек алатыны құпия емес. Бұл жағдайды республикалық та, аймақтық деңгейде де өзгерту керек", - деді Д.Назарбаева.

, сурет - Zakon.kz жаңалық 09.10.2019 14:55

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: