Жаңалықтар тізбегі
0

Үкіметте бюджет ақшасын дұрыс игермеген өңірлердің аты аталды

Zakon.kz, сурет - Zakon.kz жаңалық 14.10.2019 18:00 Zakon.kz
Бюджет ақшасын дұрыс игермеген өңірлер: Алматы - 2,2 млрд теңге, Түркістан облысы - 1 млрд теңге, Шығыс Қазақстан және Қарағанды ​​облыстары - 0,8 млрд теңгеден"

Бюджеттен бөлінген қаржыны уақтылы игермегендердің тізімінде бірқатар министрліктерпен бірге Жоғарғы Сот та бар, - деді ҚР Премьер-министрінің бірінші орынбасары – Қаржы министрі Әлихан Смайылов, деп хабарлайды Zakon.kz.

- Республикалық бюджеттің шығындары 8 трлн 541 млрд теңгені немесе 99,8% құрады. 14,3 млрд теңгенің жұмысы орындалмаған. Ал мүлде игерілмеген ақша көлемі - 8,6 млрд теңге. Бұл - 2018 жылдың 9 айымен салыстырғанда бес есе аз көрсеткіш. Көп ақшаны игермеген құзырлы органдар мыналар: Экология және табиғи ресурстар министрлігі - 1,5 млрд теңге, Жоғарғы сот - 1,2 млрд теңге, Мәдениет және спорт министрлігі - 992 млн теңге, Сауда және интеграция министрлігі - 947 млн теңге, - деді Үкімет отырысында Әлихан Смайылов.

Оның айтуынша, ақшаның уақытында игерілмеуіне басты себеп - конкурстық процедуралардың ұзаққа созылуы, орындалған жұмыс актілерін уақтылы тапсырмау, келісім-шарттар мен қосымша келісімдерді қазынашылық органдарға тіркеуге кеш әкелуі.

- Жыл басынан бері Қаржы министрлігі әкімшіліктердің бюджеттік бағдарлама бойынша міндеттемелерін уақтылы қабылдап, сол бағытта бөлінген бюджет қаражатын игерілуін жіті бақылап, қарап отыр, - деді министр.

Жергілікті бюджеттердің шығынына келетін болсақ, ол бұл бағытта 7 млрд теңгенің игерілмегенін хабарлады.

"Бюджет ақшасын дұрыс игермеген өңірлер: Алматы - 2,2 млрд теңге, Түркістан облысы - 1 млрд теңге, Шығыс Қазақстан және Қарағанды ​​облыстары - 0,8 млрд теңгеден", - деді Смайылов.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: