Семейде ауыл жастарының форумы өтті

Бизнесті қалай құру, белгілі мақсатқа қол жеткізу, көшбасшылық қасиеттерді дамыту сынды мәселелер форум аясында дайындалған оқыту семинарлары, конкурстар мен тұсаукесерлер барысында талқыланды, деп хабарлайды zakon.kz.

Кездесу Абай атындағы кітапхана қабырғасында өтті. Оған Семей қаласының құрамына кіретін барлық 14 ауылдық округтерден келген жастар қатысты. Форум Семей қаласының ішкі саясат бөлімінің қолдауымен "Шығыс жастары" қоғамдық қорының ұйымдастыруымен өткізілді.

– Жыл бойы ауылдық округтерде "Жастар жылы" аясында түрлі іс-шаралар, соның ішінде спорттық, мәдени, білім беру іс-шараларын өткіздік. Біз үшін жастарды біріктіру, түрлі проблемалық мәселелерді шешуге көмектесу, оларға өз әлеуетін ашуға, әртүрлі салаларда жүзеге асыруға көмектесу өте маңызды. Осындай мақсаттарды да бүгін Ауыл жастары форумын өткізу кезінде алға қоятын боламыз, - деді "Шығыс жастары" қоғамдық қорының жетекшісі Айдос Төлеуханов.

Оқу семинарларын, конкурстар мен тұсаукесерлерді өткізу үшін кездесуге әр түрлі жастар ұйымдарының өкілдері, жетістікке жеткен жас кәсіпкерлер, жастар дебаттық клубтардың қатысушылары, спортшылар шақырылды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021