Украина ұшағын екі зымыран атып түсірген

АҚШ барлау қызметі 8 қаңтарда Тегеран маңында құлаған Украина ұшағына Иран атқан бір емес, екі зымыран тиген деп санайды. Бұл туралы америкалық әкімшілік қызметкерлеріне сілтеме жасап CNN телеарнасы хабарлады.

Gazeta.ru басылымының мәліметінше, Вашингтон ұшақ Иран көздеген нысан радарына түсіп қалған деп санайды. Содан кейін де көп ұзамай ұшақ құлдилай жөнелген.

Американың барлау қызметі өздерінде бар ақпаратты бірден жарияламай, оны алдымен тексеріп алу туралы шешім қабылдаған.

Сонымен бірге Вашингтон Тегеран ұшақты қателесіп атып түсірді деген сенімде.

Айта кетсек, 8 қаңтарда "Украина халықаралық әуежолы" компаниясының жолаушылар ұшағы Тегеран қаласы әуежайының маңында апатқа ұшырады.

Соңғы мәліметтер бойынша, бортта Иран, Украина, Канада, Германия, Швеция және Ауғанстанның 176 азаматы (167 жолаушы және тоғыз экипаж мүшесі) болған. Ешкім тірі қалмады.

Оқи отырыңыз

Атырау қаласының әкімі кенеттен қайтыс болды деген фейк ақпарат тарады

22:29, 19 сәуір 2024

Алматыда құтқарушылар өртеніп жатқан пәтерден қолында баласы бар әйелді алып шықты

19:43, 19 сәуір 2024

Қоғам белсендісі Түркістан облысында 2,2 млрд теңгеге салынған бөгетті таппай қалды – шенділер не дейді

17:55, 19 сәуір 2024