Тұрғын үйдің жертөлесіне кіріп алған сілеусін семейліктерді шошытты

Семейде көпқабатты үйдің жертөлесінен сілеусін ұсталды, деп хабарлайды zakon.kz Instagram -дағы "ОСА" қоғамдық бірлестігінің парақшасына сілтеме жасап.

"Ақырында Комсомоль ауылында сілеусін жүр" деген сөз қауесет болмай шықты. Сілеусін жеке тұрғын-жай аумағынан "Океан" мөлтекауданына келіп жетіп, Жаңа Семейдегі көпқабатты тұрғын үйлердің бірінің жертөлесін паналаған", делінген хабарламада.

Жертөледе жыртқыш аң жүргені туралы ветеринарлық қызметке ақпарат келіп түскен. Олар дереу аталған мекен-жайға жетті. Арнайы қызмет қызметкерлері сілеусінді алты сағат бойына аулап, жүріп әрең ұстады. Қазір сілеусін темір торға қамалған. Аш жабайы аң 20-дан астам мысықты тұншықтырып өлтірген көрінеді.

Естеріңізге сала кетейік, 2019 жылдың желтоқсан айында әлеуметтік желілерде Шығыс Қазақстан облысының бір ауылында сілеусін жүргені туралы видео жарияланған еді.

Оқи отырыңыз

Атырау облысының полициясы егіз баланы зорлау фактісіне қатысты тың мәліметпен бөлісті

17:13, 24 сәуір 2024

Алматы облысында судья мен сот приставы жемқорлық үшін сотталды

17:00, 24 сәуір 2024

БҚО-да су тасқынынан келтірілген залалды өтеу жұмыстары басталды

15:07, 24 сәуір 2024