Жаңалықтар тізбегі
0

Ақтөбеде боқтайтын депо бастығы жұмысшыларды өз үйінің жұмысына салады

видеодан кадр, сурет - Zakon.kz жаңалық 29.01.2020 16:57 видеодан кадр
Машинистерді жыларман күйге түсірген тиран басшы кім?

"Басшымыз бізді құлша жұмсайды!" Ақтөбедегі локомотив пайдалану депосының жүздеген жұмысшысы шу шуғарды. Бастықтарының боқтап-балағаттағаны былай тұрсын, үйінің жұмысына жегіп қойғанын айтты. Сорақысы - кім онымен амандаспаса, соның соңына түсіп, сыныққа сылтау іздеп, қызметте төмендетті дейді. Ал шыдамағандар жұмыстан кетіп тынған.

Машинистерді жыларман күйге түсірген тиран басшы кім? Бұл туралы Еуразия бірінші арнасы хабарлайды.

Ақтөбе локомотив пайдалану депосының бір топ жұмысшысы ашық хат жазуға шарасыздықтан барып отырмыз дейді. Мекемедегілер тайлы-тұяғы қалмай жиналған. Бәрі ашулы. Қайсысын тыңдасаң да, талабы бір. "Басшылықты орнынан кетірсін!" дейді. Әсіресе, депо басшысы Талғат Медеубаевқа өкпелері қара қазандай. Қит етсе, боқтайтын көрінеді.

Жанғали Тәжиев, Ақтөбе Локомотив пайдалану депосының машинисі:

"Бізге айтатын екі сөзінің бірі "нах..." "тупойсыңдар", "бездельники". Кейбір машинистерді, помощниктерді "хозбандаға" түсіріп тастайды. Өйткені, менімен амандасқан жоқ дейді. Онымен қалай сөйлесуге болады? Амандассаң амандасты дейді, амандаспасаң, тағы да жаңағыдай".

"Отыра-опақ, тұрса-сопақ" болғанымыз былай тұрсын, өзіміздің адал еңбегімізбен тапқан айлығымызды да дұрыс төлемейді деп шу ете қалды. Артық жасаған жұмыс уақыттары есепке алынбайтынын айтты.


Жұмабек Ысқақов, Ақтөбе Локомотив пайдалану депосының машинисі:

"Артық сағатымыз төленбейді. В общем, құл болып жүрміз. Айлығымыз 5 жыл бойы өзгермеді. Күннен-күнге құлдырап түсіп барады.Жылма-жыл процент қосылады дейді, 7-8 процент. Корешокта көрсетілмеген".


Кеңсе алдына жиналғандар тарқамасын сезді ме, басшылық жиналғандарды амалсыз мәжіліс залына жинады. Ал жедел жәрдемнің кімге шақырылғаны сол күйі жұмбақ болып қалды. Ғимаратқа кіргеннен кейін де айқай-шу басылмады. Депо басшысының әңгімесін қоластындағылдағыларға ешбір қысым көрсетпейтінінен бастағаны сол еді,залдағылар шу ете қалды:

Талғат Медеубаев, Ақтөбе Локомотив пайдалану депосының бастығы:

" -Жоқ, мен қысым көрсетпедім
- Үйіне апарып жұмыс жасатады.
- Айтыңдаршы, қайда, қашан жұмыс істедіңдер?".

Жауап көп күттірмеді, залда отырғандардың арасында 3-4 адам орнынан түргелді. Бірі бастықтың үйінің құбырын ауыстырдым десе, енді бірулері шатырының қарын тазалағанын айтты.

Дархан Қанатов, Ақтөбе Локомотив пайдалану депосының жұмысшысы:

"Өзінің үйінің жұмысы ғой, Медеубаевтың үйінің. Қарын күреуге 10 бала бардық. Крышасы ғой, соны маған айтады, жайлап ұр, мынау қымбат, сен бағасын, қанша тұратынын білмейсің ғой деп. Краскісі ұшып кетеді дегені ғой".


Даулы мәселеден кейін мекемеде ішкі тексеріс басталған. Комиссия да құрылыпты. Оның құрамында Көлік прокуратурасының өкілдері, Еңбек инспекциясы мамандары бар. Бұрын-соңды мұндай шағым болмап еді деген олар, мән-жайды тексереміз деді. Жалпы, Ақтөбе локомотив пайдалану депосында 800-ге тарта адам еңбек етеді. Медеубаевтың басшылыққа келгеніне 5 жылға таяп қалған.

Бауыржан Оразаев, облыстық еңбек инспекциясы басшысының орынбасары:

"Біздің құзырымызға кіретін мына "привлечение к сверхурочной работе", сосын еңбек шарттары бар: қандай жұмыстар кірмейді, басқа жұмыстарға тартқан. Сол арызды тексереміз".

Қарамағындағылардың сынап-мінеп, жұмыстан кетуін талап еткеніне Талғат Медеубаев түк демеді. Комиссия қалай шешеді, солай болады, басқа жауабым жоқ деп қысқа қайырды. Ал шағым айтушылар ол шешімге де күмәнмен қарайтындарын айтып қалды.

Машинистердің ашық хатта жазған әрбір мәселесі тексерілетін болды. Хатқа 100-ден астам адам қол қойған. Одан бөлек арнайы комиссия да құрылыпты. Оның қандай шешім шығаратыны бір аптадан соң белгілі болады.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: